အမရာ

ခွဲခွါသွားသော အိပ်မက်များ

2012-01-30T04:56:00.004+04:00

ကမ္ဘာပေါ်မှာနာကျင်တတ်တာကိုယ်တယောက်ထဲမဟုတ်ဘူးတဲ့…….

အဲဒီလိုပြောသွားခဲ့လို့ အဲဒီလိုရူးကြောင်ကြောင်နဲ့ အော်ရယ်ပစ်ခဲ့တာ..

ငိုလို့မရတဲ့အဆုံးလေ…….

ဘယ်လိုသံသရာရှည်မယ့်ကျဆုံးခြင်းမျိုးလဲ……….

ကိုယ့်အသက်ရှုသံကိုယ်ပြန်ကြားနေရတာမောလှပြီ……

ဘယ်မှာဆုံးမှာလဲ………

ကိုယ့်ကိုယ်ကိုယ်မယုံကြည်နိုင်တော့တဲ့အခါ ….အိပ်မက်တွေကိုဆွဲစုတ်ပစ်လိုက်တယ်

ညအသေတွေနဲ့အနာဂတ်တွေကျကျနနချိုးဖဲ့ခြွေချ….

ဟိုး..အဝေးကြီးကိုပဲသွားမှာ…..

ချောင်ပိတ်အရိုက်ခံရတဲ့စိတ်ရဲ့တုံ့ပြန်မှုကို နားမလည်နိုင်သူတွေက ရိုင်းစိုင်းမှုလို့

အမည်ပေးတယ်……ဘာတွေကိုနာကျင်ပစ်လိုက်ရအုံးမလဲ………..

ဘဝအဆက်ဆက်ရရှိမယ့်အရှုံးမျိုး…. ဘယ်လိုဆုတောင်းမှားခဲ့ဘူးလဲ..

ဖြစ်ချင်ရာသာဖြစ်တော့ဖြစ်လေရာဘဝပါပဲ

ဆိုတဲ့နောက်တော့……..

ဝမ်းမနည်းကြေးပေါ့……..။။။

အမရာ

ထားခဲ့လိုက်တော့

2012-01-19T01:53:00.003+04:00

နားလည်မှုတွေလွဲတယ်

နားလည်မှုတွေလွဲမယ်…။

ထားခဲ့လိုက်တော့…. “ဟန်နီ”

အစစ်တွေပေးပြီးရခဲ့တဲ့အတုတွေအကြောင်း

သံသရာအဆက်ဆက်နားလည်နိုင်မှုမှာ

ငါ့ကိုယ်ငါရင်းခဲ့ရတာပါ

ထားခဲ့လိုက်တော့…..“ဟန်နီ”

မယုံကြည်နိုင်ခြင်းရဲ့အစွန်းဆုံးအရပ်တဒေသမှာ

မနေ့က ချစ်ခဲ့ခင်ခဲ့သူအပေါင်းဟာ

ခါးခါးသက်သက် တစိမ်းတရံများပမာ

ထားခဲ့လိုက်တော့…. “ဟန်နီ”

အချိန်တွေအတန်လွန်သွားခဲ့လို့

ငါတို့တွေ…..

ရိုးသားစွာကွဲကွာသွားခဲ့ကြသည်

ထားခဲ့လိုက်တော့….. “ဟန်နီ”

နင်မယုံကြည်နိုင်တော့တဲ့အဆုံး

ထားခဲ့လိုက်တော့….. “ဟန်နီ”

ထား…..ခဲ့…..လိုက်…..တော့…… “ဟန်နီ”

အမရာ

စ်ိတ်ကဗျာ

2012-01-13T02:59:00.001+04:00

ဘဝဟာ

တိမ်တိုက်တခုလိုမျိုးပေါ့…

လွင့်ချင်ရာလွင့်နိုင်တယ်

စိတ်မသွားတိုင်းကိုယ်ပါနေရတာတွေ

မုန်းတယ်….

စိတ်နာနာနဲ့ရွေးချယ်ခွင့်တွေချဖျောက်ပစ်ခဲ့

နောင်တတွေလဲနောင်ဘဝတွေမှာပဲ

ချစ်သော “ကဗျာ”…

စာမလာသတင်းမကြားနိုင်တဲ့ရက်တွေအတွက်

ခွင့်မလွှတ်လိုက်ပါနဲ့…….

စိတ်နဲ့ရေးတဲ့ကဗျာတွေ စိတ်နဲ့ဖတ်နိုင်ပါစေ….။

အမရာ

HAPPY BIRTHDAY MY NAUGHTY BOY

2011-07-19T00:05:00.004+04:00

ဟက်ပီးဘတ်ဒေးပါ ချစ်သူ
ဒီကနေ့မွေးနေ့လက်ဆောင်အဖြစ်
တယုတယသိမ်းဆည်းထားသော
အလွမ်းများ................
သုံးရာသီစာ ပေးပို့လိုက်ပါတယ်။

ကောင်းကင်ကိုမော့ကြည့်မိတဲ့အခါ
မျက်လုံးများ ခေတ္တမှိတ်ထားပေးပါ
အလွမ်းတွေငွေ့ရည်ဖွဲ့ပြီး
အချစ်မိုးများရွာသွန်းဖြိုးခိုက်
ချစ်သူရဲ့ဘဝတစ်သက်တာလုံး
အေးမြငြိမ်းချမ်းပါစေသား...........။

အမရာ
(ဂျူလိုင် ၁၉၊၂၀၁၁။)

" ပြေးလာခဲ့မယ် "

2011-03-21T22:11:00.002+04:00

လောကဓံနဲ့တိုက်တဲ့ပွဲတိုင်း
အမေက...
စစ်သူကြီးကောင်း
ကံကြမ္မာနဲ့စီးချင်းထိုးတိုင်း
အမေက...
မရှုံးချင်သေးတဲ့လူ
အမေ့ရဲ့..ဘဝကြမ်းကြမ်းတွေဟာ
သမီးရဲ့အိပ်ယာဝင်ပုံပြင်တွေပေါ့..မေမေ....။

အမေ...အားတင်းထားပါ
အမေရေ...အားတင်းထားပါ
သမီးလဲအားတင်းထားတယ်
သမီးတို့ခဏတော့ဝေးမယ်...။

ယုံကြည်ချက်တွေထမ်းပြီး
လှမ်းရမယ့်လမ်းမှာ
သမီးခြေမချော်ဖို့
အမေ့ယုံကြည်ချက်နဲနဲပိုပေးပါ
အချိန်တန်ရင်တော့...
သမီးလဲရွှေအိုးထမ်းခဲ့ချင်တယ်..မေမေ..။

ဒီသမီးတဇောက်ကန်းက
မတ်တပ်မစမ်းခင်ကတည်းက
ကိုယ့်ခြေထောက်ပေါ်ကိုယ်
ခိုင်အောင်ရပ်ချင်ခဲ့တော့
အမေနဲ့ဝေးတာ ဘာဆန်းသလဲအမေ..။

အမေ့ကိုလွမ်းရင်....
မျက်ရည်မကျဘူး...အံကြိတ်ထားမယ်..
သန်းခေါင်ကျော်ရင်သမီးတို့တွေ့ကြမယ်..
မိုင်ထောင်ချီတွေကွာဝေးလဲ
သတိရမှုတွေတောင်ပံလုပ်ပြီး
အမေ့ဆီ....သမီးလာခဲ့မယ်.....။
တောင်တန်းတွေကျော်
ပင်လယ်တွေဖြတ်
အမေ့ဆီ...သမီးလာခဲ့မယ်...။

အမေ့ဆီ...အပြေးလာခဲ့မယ်....။

အမေ့ဆီ...ပြေးလာခဲ့မယ်....။။။။

အမရာ

(ကောင်းကင်များ၏အထ္တုပ္ပတ္တိ ၂၀၁၁)

အထီးကျန်

2011-01-11T17:05:00.003+04:00

ငါရဲ့..လဲပြိုကျနေ့ရက်များမှာ
ငါ့အနားရှိနေတာငါပါ...
ငါ့ရဲ့...နာကျင်မိနစ်စက္ကန့်များမှာကအစ
ငါ့အနားရှိနေတာငါပါပဲလား......
ဘယ်အရာမှမမြဲဘူးတဲ့
ဘာကြောင့်များ......
ငါကငါ့ကိုမြဲနေသေးသလဲကွယ်

လွတ်မြောက်ရာလွတ်မြောက်ကြောင်း
အတွေးများဟာ..စိတ္တဇ...

ညဟာ...စိတ်ငြိမ်စွာနဲ့နက်တယ်
နက်သထက်နက်တယ်..........
အမှောင်ဟာ....တိတ်တဆိတ်မှောင်လွန်းတယ်..
မှောင်ပြီးရင်းမှောင်တယ်......

အာရုဏ်မလာခင်ကလးမှာတော့
"မျှော်လင့်ခြင်း" ကို ငါ..လက်ပြနှုက်ဆက်ခဲ့ပေါ့....။။။

အမရာ

တခန်းရပ်

2010-11-19T20:38:00.003+04:00

ငိုသံတွေကြားက
ကောက်ရခဲ့တဲ့အပြုံးတခုနဲ့
ငါတို့ပက်သက်ခဲ့ကြသလား....

အချစ်ဟာ..
စိတ္တဇဝေဒနာသည်တယောက်ရဲ့စိတ်လိုမျိုး
ရီလိုက်ငိုလိုက်

ခပ်ဟဟဖွင့်ထားတဲ့တံခါးချပ်ပေါင်းများစွာမှာ
ပျောက်ရှခဲ့တဲ့တစုံတရာရလိုရငြား
ငါက...
တခန်းဝင်တခန်းထွက်....

အစစ်တွေပေးပြီးအတုတွေပြန်ရလိုက်တဲ့
ခါးသီးမှုတွေအကြောင်းပြောရင်
အရင်လိုပဲကံကိုပုံချပြရအုံးမလား..

နောက်တခါမချစ်တော့ပါဘူးလို့
မနေ့ကပဲပြောခဲ့လိုက်သေးသလား...။။။

အမရာ

ရင်ခွင်ပျောက်သူ

2010-10-19T11:06:00.003+04:00

ပြေးသွားလိုက်တယ်....
ဝေးမယ်ထင်တဲ့အရပ်တခုဆီ
ရွေးချယ်မှုတွေမှားကြောင်းမှန်ကြောင်း
ဘာတွေက်ုချိန်ထိုးပြီးပြရအုံးမလဲ

မဆုံနိုင်မှာသိခဲ့တဲ့နောက်
ငါက..အရိပ်တခု...ကိုယ်ပွါးတခု
ဘာမှမဟုတ်တဲ့အမှုန်အမွှားတခု
မင်းအတွက်ဆိုရင်လေ..

တခါတလေပေါင်းများစွာတွေမှာ
ဆန္ဒတွေကိုကျောသပ်ရင်သပ်
နောက်ဆုံး...ခပ်ဝေးဝေးမှာသက်သက်
နှလုံးသားမပါလဲ..
ဟောတစ်ယောက်ဟောနှစ်ယောက်
စိတ်အဆာပြေစေရုံလောက်

မိုက်တွင်းနက်တယ်တဲ့လား
နောက်ထပ်..
ဘာတွင်းနက်စရာမှမရှိတော့ရင်
နှုတ်ခမ်းထောင့်လေးကွေးရုံပြုံးလိုက်အုံးမယ်

လိုက်သူမပါဘဲပြေး ရှာသူမရှိပဲပုန်း
ငါ့ကိုငါပဲသဘောကျမဆုံး
ချစ်ခဲ့တဲ့ရင်ခွင်တစ်စုံကို
ခြေစုံပစ်ကန်ခဲ့ပြီးမှတောင်..
ပြန်လမ်းမပျောက်ဖို့ဆုတောင်းချင်မိသေး.....။။။

အမရာ

အဖြူရောင်လွမ်းဆွတ်မှု

2010-10-13T17:40:00.005+04:00

ဖွေးဖွေးဆွတ်ဆွတ်
အဖြူရောင်အပိုင်းအစတွေကိုပဲလွှမ်းခြုံ
အဖြူထည်သက်သက်ကိုပဲငေးကြည့်
အဖြူရောင်လွလွတွေကိုတသသ
ငါ့ကိုယ်ငါပြန်မရတော့တဲ့အခါ
အဖြူထည်ဘဝတခုက ခပ် ဝေး ဝေး ဝေးးးးးး

အဖြူရောင်မျက်နှာကျက်တခု
အဖြူရောင်နံရံတခု
အဖြူရောင်လွင်ပြင်တခု
အဖြူရောင်တိမ်တိုက်တချို့
အဖြူရောင်နှင်းစက်တချို့
အဖြူရောင်ဂါဝန်တထည်

အဖြူရောင်လွမ်းဆွတ်မှုဖြူလျော်လျော်တွေ

အဖြူရောင်တွေနဲ့အတူအားလုံးကိုထုတ်သိမ်းထားလိုက်တော့.....
ပြီးရင်..
အခန်းတံခါးပိတ်လိုက်ပါ...။။။

အမရာ

စိတ္တဇ (၃)

2010-10-01T12:54:00.005+04:00

ငါ့.....
စိတ်ကိုသတ်ပြီး
အရာအားလုံးကို အေးစက်ပစ်လိုက်တယ်

အဲဒီနောက်
နှလုံးသားတွေထုံကျင်သွားပုံများ
ကွဲတောင်မကွဲတတ်တော့တဲ့အဆုံး
ငိုတာတောင်မျက်ရည်မကျဘူး

နေပူပူမှာတော့
မိုးတွေရွာတာသဲရောပဲ။။။

အမရာ

ကြေကြေကွဲကွဲ

2010-09-07T12:03:00.003+04:00

စိတ်ဓါတ်တွေအတက်အကျမမှန်ဘူး
မျှော်လင့်ခြင်းတွေခြေပစ်လက်ပစ်နဲ့
ဘာမှမလိုချင်ဘူးပြောရင်တောင်
ဘာမှပေးစရာမရှိဘူးလို့လာလာပြောနေသလိုမျိုး
ဘယ်သူနဲ့မှမတွေ့ချင်လို့မှန်တောင်မကြည့်တော့ဘူး
တင်းထားတဲ့မရှိမဲ့ရှိမဲ့မာန်တွေနဲ့
ဆုပ်ထားဖြစ်တဲ့လက်သီးခပ်ကျစ်ကျစ်တွေ
အိပ်နေရင်တောင်မေးကြောကြီးတွေထောင်လို့
နိုးလာခဲ့ရင်တော့
ငါ့တနေရာစာကွက်ကျားမိုးတွေသဲ....
ငါကတော့.........မျက်ရည်မြစ်ထဲမျော.....................။။။

အမရာ

စိတ္တဇ (၂ )

2010-08-31T12:41:00.007+04:00

အဲဒီကြိုး......
ပြတ်ထွက်သွားခဲ့တာ
တင်းလွန်းလို့မဟုတ်ဘူး

အလျှော့ပေးလွန်းမကပေးခဲ့မိလို့
အားအင်ကုန်ခမ်းပြီးချိနဲ့စွာနဲ့ပြတ်ခဲ့တဲ့ကြိုး

အချစ်ဆုံးရေ.....
အချစ်တွေတကယ်..ဆုံးချင်ပြီ။။။

အမရာ

ဖြစ်ချင်ရာဖြစ်

2010-08-23T20:51:00.007+04:00

လိုအပ်ချက်တွေများများလာကာကြမှ
ကိုယ့်ကိုကိုယ်ဘယ်နှစ်ကြိမ်မြောက်ပြန်ပြန်ဖွက်ထားမိသလဲမသိ
ဘဝကမရေရာဘူးတဲ့ စကားကြီးစကားကျယ်နဲ့
အဲဒီမရေရာခြင်းကိုဘဝနဲ့ဘယ်နှစ်ခါအချိုးချဘူးခဲ့သလဲ

သွားလိုက်တော့....

သစ္စာတွေ မေတ္တာတွေ ချစ်တာတွေ
ဘာတခုမှငဲ့မကြည့်ပဲသွားပစ်လိုက်တော့
ဟိုးးးးးးးးးးးးးးးးးဝင်ရိုးစွန်းတဖက်ဆီ

လူဖြစ်ရတဲ့ဒုက္ခမှာ
ချစ်တတ်တဲ့နှလုံးသားကြီးကိုဘယ်သူအဆစ်ထည့်ပေးလိုက်သလဲ
ပြောချလိုက်တော့
ကိုယ့်စိတ်နဲ့ကိုယ်ကြိတ်ဖြစ်နေမယ့်အတူတူ
ရူးရူးမိုက်မိုက်ပဲ
နားဝင်ချိုဖို့ စကားလုံးလှဖို့ လူကြားကောင်းဖို့ချည်းပဲဆို
ခံစားချက်ကိုဘယ်ဂျောင်သွားထားမလဲ

အဆုံးသတ်မယ်လုပ်တော့..
ဘဝကတဘက်အချစ်ကတဘက်နဲ့
ပြိုင်မျဉ်းတွေဆုံဖို့ရာကြယ်ကြွေချိန်ကိုပဲမျှော်လိုက်တယ်....။။။

အမရာ

ပေါက်ကရ

2010-08-10T20:31:00.002+04:00

စိတ်တွေမွန်းကျပ်လို့တဲ့
သီချင်းတွေအော်ဆိုပြီး
မောမောနဲ့အိပ်ပျော်သွားလိုက်တာ
နောင်ဘဝမှပဲနိုးတော့တယ်...

လွမ်းလိုက်တာချစ်သူရယ်....

အမရာ

ပန်းကြွေတခုရဲ့ရာဇဝင်

2010-08-06T22:00:00.002+04:00

လှပသောမှားယွင်းမှုများနှင့်
ကျနသောအတုအယောင်များကြား
မလွန်ဆန်နိုင်သောအကြောင်းတရားကောင်းများကြောင့်
တန်ကြေးတက်လာသော...ည

တချက်ချက်စူးရှထွက်ခဲ့သော
ရင်ရဲ့အနက်ရှိုင်းဆုံးကအသံတသံ
စိတ်မပါတဲ့စိတ်တခုနဲ့ယောတိယောယောင်
သံစဉ်တွေနဲ့ပျော်ပါးလို့

အလိုမတူပါပဲနက်ခဲ့ရတဲ့ညဉ့်နက်နက်များ
တန်ရာတန်ကြေးများ မတန်ရာမတန်ကြေးများ
ခံစားချက်ဟာအဲဒီမှာ..ဆုံးပြီးသား
ဒါမှမဟုတ်..ဆုံးပြီးသွား

ရုံးရင်းနစ်မယ့်အစား
မရုံးပဲနစ်ဖို့
စိတ်တွေကိုအလိုလိုက်ခဲ့ပစ်လိုက်

မပြောပါနဲ့တော့မဟောပါနဲ့တော့
ပန်းကြွေတခုရဲ့ရာဇဝင်ကို
အကြွေခံဖို့ဆန္ဒမပါဘဲ
အချိန်ကျကြွေပြရဖို့အတွက်
ကံတရားတခုကိုထမ်းပိုးလာခဲ့ပြီးနောက်
ရဲရင့်စွာကြွေပြခဲ့ပြီးပြီ......။။။

အမရာ

အပေအတေဘဝ

2010-07-04T19:28:00.004+04:00

ဘဝကဆိုးပြီဆို...
အနှိုင်းမဲ့
နပ်မှန်နေတဲ့ခေါက်ဆွဲပြုတ်လေးတောင်
ငါ့ကိုစွန့်ခွါလို့..
ကျေနပ်လိုက်ပါ
ငါဟာစတေးခံသတ္တဝါတကောင်ပေါ့..။။။

ချစ်သူရေ..
မင်းတင်စားခဲ့သလိုပေါ့..
ငါကတကယ်ပရုတ်လုံးဆိုပါစို့
အားလုံးကိုမွှေးမွှေးမြဖို့
ငါ့ကိုယ်ငါလုံးပါးပါးပြရတာကိုးက
ဂန္ဓဝင်ဆန်တာ

တခါတလေတော့
ကောင်းကင်ကိုဒူးနဲ့တိုက်မှာထက်
ခေါင်းနဲ့ဝင်ဆောင့်တတ်ဖို့
ငါရဲ့ခေါင်းကို သံမဏိလောင်းထားလိုက်တယ်
စိတ္တဇဆန်နေသလား...
အဲဒီလိုပေါ့
မာရေကျောရေဖြစ်လာဖို့အတွက်က
ငါ့ကိုယ်ငါခင်းချထားရတာနည်းမှမနည်းပဲ

အဖြည့်ခံဘဝတခုရဖို့
ဘယ်ဘဝကဆုတောင်းကောင်းခဲ့ပါသလဲ
ဒီမေးခွန်းကို
ငိုသံပါပါနဲ့မေးရင်ကောင်းမလား
ရယ်သံသဲ့သဲ့နဲ့မေးရင်ကောင်းမလား
ထောင်းထောင်းကြေနေတဲ့စိတ်တခုနဲ့ပဲ
လူကိုကပေပေတေတေဖြစ်ဖြစ်လာတာ

ပြောပြန်ရင်လဲရီကြဦးမယ်
ဒီလောက်သေးသေးကွေးကွေးကိုယ်လုံးမှာမှ
ထမ်းပိုးထားချင်တာကတလောကလုံးကို
အလေအလွင့်စိတ်ကူးတွေပါဆိုပြီး
ချောင်ထိုးမထားလိုက်နဲ့ဦး
ယုံချင်ယုံမယုံချင်နေ
ဟောဒီပခုံးမှာကိုကထမ်းပိုးခွင့်တံဆိပ်ခတ်ခံပြီးသား

ပွင့်ပွင့်လင်းလင်းပြောရရင်
ခံစားချက်တစုံတရာကိုဖောက်ထုတ်ပစ်ဖို့
မြင်မြင်ကရာကိုအော်ဟစ်ကန်ကျောက်မယ်ဆို
ငါ့ကိုယ်ငါတောင်ချန်မယ်မထင်ဘူး...

ခွင့်လွတ်ပါ
ဒီအရူးကရင့်ပြီဆိုရင်
နေမမြင့်ခင်ကတည်းက......။။။

အမရာ

ဆန့်ကျင်ဘက်များ

2010-06-22T19:29:00.002+04:00

အဲဒီလိုမေ့ချင်ယောင်ဆောင်ထားမိတဲ့အခါ
သတိရမှုတွေသာပိုပိုများလာတယ်...
အဲဒီလိုမမျှော်တော့ဘူးလို့စဉ်းစားမိတဲ့အခါ
စောင့်နေရတဲ့အချိန်တွေနဲ့နေသားကျလာတယ်..
အဲဒီလိုမနာကျင်ချင်တော့ဘူးလို့တင်းထားတဲ့အခါ
သေရာပါအောင်နာကျင်ပြီးလာတယ်...
အဲဒီလိုမငိုတော့ပါဘူးလို့ဆိုတဲ့အခါ
ရှိုက်သံမထွက်အောင်ကျွမ်းကျွမ်းကျင်ကျင်ငိုနိုင်လာတယ်
အဲဒီလိုမခွဲတော့ပါဘူးလို့တိုင်တည်တဲ့အခါ
ခွဲခွါခဲ့ပြီးသောဘဝတခုဖြစ်တည်လာတယ်...

အဲဒီလိုပါပဲ...
ငါဟာ.....
မချစ်တော့ပါဘူးလို့ကျိန်ဆိုနေရင်းနဲ့
အချစ်ကျိန်စာသင့်ခဲ့ပြီးလာတယ်....။။။

အမရာ

သောကြာ

2010-06-11T19:33:00.004+04:00

သောကြာက အရိုင်းအစိုင်းတကောင်လို
မာန်တဖီဖီနဲ့ရွာထဲကိုဝင်ဝင်လာတယ်..
သောကြာကမြင်မြင်သမျှအရာခပ်သိမ်းကို
ဆွဲယူပစ်ပေါက်ပျော်ပါးတယ်...
သောကြာကတချို့လူတွေရဲ့စိတ်ကို
ရှင်လျက်နဲ့သေအောင်ညှဉ်းပန်းနှိပ်စက်တယ်..
သောကြာကဝုန်းဒိုင်းကြဲရောက်ရောက်ချလာပြီး
သူလာကြောင်းဆူညံပွက်ထအောင်အသံပေးတယ်...
သောကြာကတယုတယထုပ်ပိုးထားတဲ့မျှော်လင့်ချက်တွေကို
တဟားဟားအော်ရယ်ပြီးလွှင့်ပစ်တတ်သေးတယ်..
သောကြာကကမ္ဘာအနောက်ခြမ်းကစလို့အရှေ့ခြမ်းအထိ
အာပေါင်အာရင်းသန်သန်နဲ့အော်ချင်ရာအော်တတ်တဲ့အလေ့အထကိုပြုတယ်..
သောကြာကသောကြာပီသကြောင်းပြဖို့
သူထင်ရာသူစိုင်းတယ်...
တုံ့ဆိုင်းနှောင့်နှေးမှုပေါင်းများစွာကိုဖန်ဆင်းတယ်..

အဲဒီလိုနဲ့......
သောကြာကိုစက်ဆုပ်ရွံရှာပြီးမမြင်ချင်တော့တဲ့အဆုံး
သောကြာနဲ့ဝေးဖို့သောကြာရဲ့အနီးဆုံးကိုလာခဲ့တယ်...။။။

အမရာ

မဆုံနိုင်ခွင့်

2010-06-04T20:37:00.003+04:00

မဆုံခင်မှာပဲ.......
ခြားနေခဲ့တဲ့စည်းတချောင်းအတွက်
အဲဒီတောင်တွေအထပ်ထပ်က
ဆန္ဒတွေဆို....
အဲဒီမိုးကိုတောင်ခြေမှာပဲသဲမယ်...။။။

အမရာ

လွတ်မြောက်ခြင်း

2010-05-16T19:36:00.004+04:00

ထိလွယ်ရှလွယ် နှလုံးသားတစုံနဲ့
ကြေလွယ်ကွဲလွယ်တတ်တဲ့အဖြစ်
မာချင်ယောင်ဆောင်ထားတဲ့
စိတ်ဓါတ်အပျော့စားများအတွက်
အလွမ်းတွေကတသက်စာ.....

မာန်တင်းထားတဲ့နောက်က
ပုန်းလျှိုးကွယ်ဝှက်သိမ်ငယ်ခြင်းတွေ
နှိမ့်ချထားခြင်းရဲ့တဘက်ကမ်းက
မကျွတ်မလွတ်မာနတွေ
ဒီသံသရာဟာအရှည်ဆုံးပါ....

အချစ်စစ်တွေရဲ့
ဝေးကွာခြင်းကျိန်စာတွေအကြား
ရာစုသစ်ပိုးဖလံများနဲ့
ရဲရဲကြီးတိုးဝင်ခဲ့ပေါ့

မလွန်ဆန်နိုင်သော
အကြောင်းတရားကောင်းများရဲ့နောက်
အချစ်တွေလောင်ကျွမ်းခဲ့ကြ
ဝမ်းနည်းခွင့်မရလိုက်ခင်ပဲ
အပြီးသတ်ခွဲခွါခြင်းတွေ ခေါ်ဆောင်သွားကြ
ပြာမှုန်တချို့တလေနဲ့အတူ
ငါ...ခမ်းနားစွာပျောက်ဆုံးခဲ့ပေါ့...

အမရာ

ခပ်လှမ်းလှမ်းကလှမ်းရင်းနဲ့လွမ်း

2010-03-22T12:17:00.001+04:00

ငယ်ငယ်က
မေမေပုံအောပေးခဲ့တဲ့ ဘဝတစ်ခုဟာ
(တကယ့်ကို)နေပျော်ဖို့ကောင်းခဲ့ရဲ့
အကာအရံမဲ့လောကဟင်းလင်းပြင်ထဲ
မေမေ့မှော်လက်တွေနဲ့အုပ်မိုးလို့အေးမြခဲ့
ပတ်ဝန်းကျင်ရဲ့ညှီနံ့တွေထဲ
မေမေ့သနပ်ခါးနံ့နဲ့လန်းဆန်းခဲ့
အချိန်တွေအကုန်မြန်လိုက်တာမေမေ….။
အတောင်အလက်စုံလာလေ
ဒါဏ်ရာတွေများလာလေ
လောကဓံကအထုအထောင်းကောင်းလို့
ထုသားပေသားကျလာတဲ့ဒီခန္ဓာမှာ
ဘာကိုမှထူးပြီးမခံစားချင်တော့တဲအဆုံး
လွမ်းဖျားလွမ်းနာကျလို့
ကယောင်ကတမ်းစကားကိုဆိုရင်
မေမေလို့ခေါ်သံကလွဲပြီး
ဘယ်အသံကမှဒီထက်ပိုပြီး
တိုးလျညင်သာသက်သာလွန်းတာမရှိဘူး
အရင်က
လောကကြီးကိုမကျေနပ်ရင်
မေမေ့ကိုတိုင်ပြောမယ်
အရာရာကိုစိတ်တိုင်းမကျရင်
မေမေ့ကိုဂဂျီဂဂျောင်ကျမယ်
အခုအချိန်မေမေနဲ့ဝေးတော့
ဘယ်သူ့ကိုပြောရပါ့မလဲမေမေ…
ဖြစ်နိုင်ရင်ပေါ့မေမေ
သဘာဝတရားရဲ့တန်ပြန်မှုတွေနဲ့
ကြမ်းတမ်းမာကျောနေတဲ့မေမေ့ခြေထောက်တွေကို
ဆုပ်နယ်ချင်တယ်
သနပ်ခါးပါးကွက်ကျားနဲ့
မေမေ့ရဲ့ပါးကိုတဒင်္ဂဖြစ်ဖြစ်မွှေးကြူချင်တယ်
ဆန္ဒဟာဆန္ဒသက်သက်လောက်
အသွားထက်ပါစေသား….
မေမေရေ
လွမ်းတာလည်းလွမ်းတယ်
လှမ်းတာလည်းလှမ်းတယ်
ခြေလှမ်းတိုင်းမှယအလွမ်းတွေအပြည့်နဲ့
အိမ်ပြန်လာချင်ရဲ့
အဝေးကြီးဝေးခဲ့ပြီမေမေ
ဘယ်သူမပြုမိမိမှုတဲ့
အဲဒီလိုထပ်ခါတလဲလဲရွတ်ဆိုနေမိတဲ့
နှုတ်ခမ်းဖျားတွေဟာလည်း
မေမေကျန်းမာစေကြောင်းဆုမွန်ကောင်းတောင်းမိတဲ့
ဟောဒီနှုတ်ခမ်းဖျားတွေ……။။။

အမရာ

(ကောင်းကင်များ၏ အတ္ထုပ္ပတ္တိ ၂၀၁၀)

ငါ့ရဲ့အနှစ်သက်ဆုံးများ

2010-02-23T11:20:00.004+04:00

ဖြစ်မလာချင်းတွေအတွက်
တကူးတကမျှော်လင့်ပြရတာကိုးက
ငါ့ရဲ့အနှစ်သက်ဆုံးများ

ရောင့်ရဲနိုင်တတ်သလိုလိုနဲ့
ဟန်ကို့ဖို့နေတတ်ဖို့ကို
ရင်းရတဲ့မျက်ရည်တွေက
ငါရဲ့အနှစ်သက်ဆုံးများ

မြင်ရပါလျက်နဲ့
ခိုးခိုးကြည့်ရတဲ့အရသာကိုမှ
နှစ်လိုမိတဲ့
ငါ့ရဲ့အနှစ်သက်ဆုံးများ

ခဏပါ….
ကြာတော့လဲမေ့လွယ်ပျောက်လွယ်ပေါ့တဲ့
အထိန်တလန့်ရှိလှတဲ့စကား
သို့မဟုတ်……
နမိတ်မကောင်းတဲ့စကား….
ငါ့ရဲ့အနှစ်သက်ဆုံးများ

ဒီလိုနဲ့များ……
ဟိုးအဝေးကြီးကို….လွင့်လွင့်ထွက်သွားပစ်လိုက်ဖို့
ဆုမတောင်းပဲနဲ့ပြည့်လာရတဲ့
ငါရဲ့အနှစ်သက်ဆုံးများ……..။။။

အမရာ

ရူးအောင်ချစ်မယ်

2010-02-01T17:50:00.001+04:00

အေးစက်စက်ခါးသက်သက်
ကော်ဖီတခွက်ကို
တရှိုက်မက်မက်စုပ်ယူတတ်တဲ့
နှုတ်ခမ်းတစုံက
(ငါ့ရဲ့)ချိုမြခြင်းတွေကိုတော့
ဥပေက္ခာပြုကောင်းပြုရဲ့.........

အရေးတယူရှိနှေတဲ့ကဗျာတပုဒ်အတွက်
စကားပြောစက်တွေလဲအသံမဲ့
ဘေဘီရေ..နင်ဘယ်လိုလူလဲ...

ခြောက်ကပ်ကပ်ရယ်သံတခုနဲ့အတူ
တွဲလဲခိုမျက်ရည်ဥတွေ ကူရာမဲ့နေ....

နာကျင်မှုတွေတံခါးခေါက်တိုင်း
ခွင့်လွှတ်တတ်ချင်တယ်.......

ဒီလိုပဲနေသားကျနေခဲ့ရက်နဲ့ကွယ်.........

သတိရခြင်းတွေကိုစိတ်ထဲမှာမှတ်
အချစ်ကိုလက်ညှိုးထောင်
အချစ်ပြီးတော့အချစ်...အချစ်....

ရူးအောင်ချစ်မယ်..............။။။

သနားခံကဗျာ

2010-01-15T21:42:00.005+04:00

ငါဟာတွယ်ရာမဲ့ပါ....

မစွန့်လွှတ်ပါနဲ့........
မျက်ကွယ်မပြုပါနဲ့.......

မသွားရက်နိုင်ဘူး...
မထားရက်နိုင်ဘူး.......

လှည့်ကြည့်ပါဦး....
ငဲ့ကြည့်ပါဦး......

ချို့တဲ့နုံချာပါရဲ့....
အနေအစားဆင်းရဲလှတယ်.....

ဘာမှမပိုင်တဲ့ဘဝမှာ.....
အချစ်တွေ အချစ်တွေ ကတော့ဖောဖောသီသီ.....

စဉ်းစားပေးပါ........

အကျိုးအကြောင်းမဆီလျော်ပေမယ့်
တော်သလိုသာဖြည့်စွက်ပါ..။

အမရာ

ရန်ဖြစ်ခြင်း(ကိုယ့်ကိုကိုယ်)

2009-12-26T16:02:00.001+04:00

ဒီမှာ
ဘာမှလဲတွေးမနေနဲ့
ဘာမှလဲဖြစ်လာမှာမဟုတ်ဘူး

မဟုတ်သေးဘူး
နဲနဲဖြစ်ဖြစ်တော့စဉ်းစားသင့်တယ်
အိုကွာ…..
စဉ်းစားကြည့်လိုက်စမ်းပါ

ဘာမှအသုံးမကျဘူး
တကယ်ကိုသုံးစားလို့မရဘူး

ဦးဏှောက်နဲ့အလုပ်လုပ်ပါ
ဦးဏှောက်နဲ့ဆုံးဖြတ်ပါ

ဘာလုပ်လုပ်တလွဲကြီးပဲ

ဒါဆို
မင်းကရောဘာလဲ
ဆရာကြီးလားဆရာလေးလား
အားးးးးးးးးးစိတ်ရှုပ်တယ်……သွားးးးးးးးးးး

ကြောင်တောင်တောင်နဲ့။။။

အမရာ

စိတ်ကဗျာ

2009-10-27T18:50:00.001+04:00

စိတ်တွေကိုအဆင်ပြေသလိုခင်းကျင်းလိုက်တဲ့အခါ
စကားလုံးတွေမခမ်းနားတတ်ဘူး…..
စိတ်တွေကိုငိုတတ်သလိုငိုချခွင့်ပေးလိုက်တဲ့အခါ
စကားလုံးတွေမခမ်းနားတတ်ဘူး….
အလေအလွင့်အတွေးတွေကိုရိုးသားခွင့်ပေးလိုက်တဲ့အခါ
စကားလုံးတွေမခမ်းနားတတ်ဘူး….

ငိုနေသလား ၊ ပျော်နေသလား
ကြေကွဲနေသလား ၊ ဆွေးနေသလား
မျှော်လင့်နေသလား ၊ ဥပေက္ခာပြုထားသလား

စိတ်တွေကိုအဲဒီမှာဖတ်ပါ
စိတ်တွေကိုကဲ့ရဲ့ပါ
စိတ်တွေကိုအပြစ်တင်ပါ
စိတ်တွေကိုရှုံ့ချပါ
စိတ်တွေကိုဝေဖန်ပါ
စိတ်တွေကိုချီးမွမ်းပါ

လွတ်လပ်စွာကွဲလွဲပါ
သနားတတ်တဲ့အကြည့်တွေကိုတော့ထိန်းသိမ်းပါ
ကြံ့ခိုင်နေပါအုံးမယ်..

အမရာ

စက်ဆုပ်ခြင်း

2009-10-24T14:21:00.001+04:00

လွတ်လပ်တဲ့ငှက်တကောင်အတွက်
အချိန်ကုန်တာပိုမြန်တတ်သလား
မထည့်ကြပါနဲ့…..
အိုး…မုန်းစရာလှောင်ချိုင့်ထဲ
အပေးအယူတွေပြီးခဲ့ပြီလား
လွတ်လပ်ခွင့်တွေ အဲဒီလောက်မြန်သလား
အကျဉ်းကျဖို့အဲဒီလောက်တန်သလား

အိပ်စ်ကယူ့စ်စမီ ၊ သင့်ခ်ယူ
တွင်တွင်သုံးပါ ၊မျက်နှာကိုပြုံးပါ
မျက်လုံးတွေကတော့အသက်မဲ့လို့
အာရုံတွေကအိမ်ပြန်သွား
ခန္ဓာသက်သက်ကအဲဒီမှာ

မပြုံးချင်ပဲပြုံးပြရဖို့ အပြုံးတု
မဖြေချင်ပဲဖြေရဖို့ အဖြေတု
မလုပ်ချင်ပဲလုပ်ရဖို့ အလုပ်တု

တဆိတ်လောက်……
လွတ်လပ်စွာတွေးခေါ်ခွင့်ပြုပါ
လွတ်လပ်စွာပြုမူခွင့်ပြုပါ
လွတ်လပ်စွာပြုံးရယ်ခွင့်ပြုပါ

မရုန်းထွက်နိုင်သေးသမျှ
စိတ်တွေပဲပင်ပန်းကြ
အံတွေပဲပွန်းပဲ့ရ
ငါ့ကိုလွတ်မြောက်ခွင့်ပေးပါ
ငါ့အစားစက်ရုပ်တရုပ်စတေးပါ

နောင်ဘဝကိုယုံကြည်ကြသူများ…..
အကယ်၍လူတခါဖြစ်ခွင့်ရရင်
ခေတ်သစ်ကျွန်မဖြစ်ချင်ကြနဲ့။။။

အမရာ

အခွင့်ရှိရင်.....

2009-10-16T18:37:00.003+04:00

အဲဒီ..တောင်ကုန်းလေးထိပ်မှာ
မါးမါးရပ်ပြီးရင်ကော့ထားမယ်
လက်နှစ်ဖက်ဆန့်တန်းထားမယ်
ကောင်းကင်ကြီးကို တရစပ်မော့ကြည့်မယ်
စိတ်တွေတိမ်ပေါ်ခုန်တက်ကောင်းတက်မယ်
ဒါမှမဟုတ်ရင်..ကမူးရှုးထိုးပျံတက်ချင်တက်မယ်

အဲဒီ့..ငါ့တကိုယ်စာဝေဒနာတွေ
ဓားထက်ထက်နဲ့လှီးထုတ်ပစ်ချင်တာ
အခွင့်မရှိသေးပါ……..

တိမ်တွေလိုလွင့်ချင်တယ်…
တိမ်တွေကပြောတယ်
လွင့်နေတာ..မင်း..တဲ့
ဒါဆို…ဟိုးခပ်ဝေးဝေးထိလွင့်ချင်သေးတယ်

ဒါဏ်ရာတွေသိမ်းထားတတ်တဲ့အကျင့်ထက်
လွှင့်ပစ်တတ်ချင်တာ……..။။။

အမရာ

စိတ်ပြောင်းစိတ်လွှဲ

2009-10-12T21:48:00.002+04:00

ငါ့မှာ..
မပျော်စရာတွေများလာရင်
အချိန်တွေအကြောင်းကိုခဏမေ့ထားမယ်
မနေ့ကရခဲ့တဲ့အချိန်တချို့ထဲက
ပျော်စရာအကြောင်းကို
စိတ်တင်းတင်းနဲ့ဆွဲထုတ်မယ်

တကယ်လို့
ငါတို့မှာ….
ဆုံတွေ့ခွင့်တွေရှားပါးတော့မယ်ဆို
မနက်ဖြန်အကြောင်းကိုခဏမေ့ထားမယ်
ရခဲ့တဲ့ဆုံတွေ့ခွင့်တွေထဲမှာမျောမယ်

အချစ်အကြောင်းခဏခဏမပြောချင်ဘူး

ယဉ်ယဉ်လေးပဲရူးချင်တယ်…..။။

အမရာ

ဝေးနေဆဲ

2009-10-05T17:03:00.003+04:00

စကားလုံးတွေထွက်ခွါသွားကြတယ်
မင်းနဲ့ဝေးရာဆီတဲ့………..
ဘယ်သွားမယ် ဘယ်လာမယ်
ပြန်လာမယ် ပြန်မလာဘူး
ဟဟတောင်ပြောမသွားခဲ့ကြပါဘူး….

အရှောင်အတိမ်းကောင်းတဲ့စကားလုံးတွေ
လိုက်ရှာလို့လဲမတွေ့ခဲ့ပါဘူး
လိုက်မရှာဖို့လဲပြောမသွားခဲ့ကြပါဘူး

ပုန်းလျှိုးကွယ်လျှိုးစကားလုံးတွေရဲ့နောက်
စိတ်မကျန်းမမာဖြစ်နေတဲ့စကားလုံးတွေရဲ့နောက်
အပြုံးအရယ်မရှိတဲ့စကားလုံးတွေရဲ့နောက်
နေရောင်ကြောက်တဲ့စကားလုံးတွေရဲ့နောက်
မလှမပစကားလုံးတွေရဲ့နောက်
အိပ်မက်တွေမယုံကြည်တဲ့စကားလုံးတွေရဲ့နောက်

ငါက…………
တကောက်ကောက်လိုက်မတဲ့လား
မဟုတ်ဘူး
ငါက……….
အရင်ကတည်းကသွားနှင့်ပြီ။။။

အမရာ

တောင်းဆိုမှု

2009-09-27T16:06:00.001+04:00

မိုးဖွဲဖွဲလေးရွာဖို့
တိမ်ညိုတွေနဲ့အတူ
ငါငိုလိုက်ချင်သေးတာ

မျက်ဝန်းတွေရီဖို့
နေ့ထက်ဝက်စာ
ငါမျှော်လင့်ခဲ့ရ

နင်မပြုံးပြခဲ့တဲ့
မနက်ခင်းတခုမှာ
သေဆုံးသူငါဖြစ်ခဲ့

လောင်ကျွမ်းသွားတဲ့
အိမ်မက်ပြာတွေ
ငါလိုက်ကောက်နေတုန်း
ဝေး….သွား…..ခဲ့…….

မနေ့ကလိုပဲ…..
အပြုံးတချို့ပေးပါ။

အမရာ

ဘဝ

2009-09-17T00:02:00.001+04:00

ရှင်သန်နေထိုင်မှုနည်းမျိုးစုံနဲ့
ငါတို့နေထိုင်နေကြတဲ့
ဘဝဆိုတာကြီးထဲမှာ.
မမောတန်းအိပ်မက်တွေထမ်းပိုးထားကြ
အနာဂတ်လို့ကင်ပွန်းတပ်ထားတဲ့
ဖြစ်မလာခြင်းတွေအတွက်
ဆုတွေတောင်းကြ
ဒူးတွေထောက်ကြ
နင်ဘယ်သူလဲလို့မေးရင်
ငါဘယ်သူလဲဆိုတာကိုယ်တိုင်မသိကြ
ယောင်ချာယောင်ချာနဲ့ပဲ
အဆုံးမဲ့ပင်လယ်ပြင်ကိုရွက်ကုန်ဖွင့်ကြ
ငြင်းပယ်ရင်းပွေ့ပိုက်ထားခဲ့တဲ့
ပါးစပ်စိုစေရုံအလုပ်အကိုင်တချို့နဲ့
ယာယီဘဝတခုကိုစက်စုပ်ရွံရှာ
ညည်းညည်းငြူငြူနဲ့ပဲ
တနေဝင်တနေထွက်ခဲ့ကြ
ဒီလိုနဲ့လိမ်ပြီးကိုယ့်ဘဝကိုယ်ကို
မကျေနပ်ပဲ ကျေနပ်ခဲ့ပြ။

အမရာ

ပြောမထွက်လို့

2009-09-06T14:55:00.002+04:00

မလန်းမဆန်းမှုတွေနဲ့
နိုးထလာခဲ့တဲ့
မနက်ခင်းပေါင်းများစွာ
အားနာပါးနာတောင်းပန်ချင်ပေမယ့်
ခပ်တင်းတင်းစေ့ထားဖြစ်ခဲ့တဲ့
နှုတ်ခမ်းထူထူတစုံ
လှုပ်ရှားခွင့်ခေတ္တရပ်ဆိုင်ထားတယ်..(ကိုယ်တိုင်)

အသံတွေ……အသံတွေ
ငါမုန်းတဲ့အသံတွေ
ဒီအသံတွေနဲ့အတူ
လေမရှိတဲ့အခန်းထဲမှာ
ငါ့ကိုပိတ်လှောင်ထားကြ
အသံတွေကငါ့ကိုသရော်ကြ
တင်းတင်းစေ့ထားတဲ့နှုတ်ခမ်းတွေက
လိုတာထက်ပိုပိုတင်းလာကြ

မနေ့ကပုပ်သိုးသွားခဲ့တဲ့အတွေးတွေ
နှမျောတသမှုနဲ့ငါကိုင်ကြည့်
ခြစ်ခြစ်တောက်အပူနဲ့အတူ
အရည်ပျော်ခဲ့………….
စိတ်တွေမခိုင်လိုက်တာ
ထစ်ခနဲဆိုငိုချင်တာပဲ
မျက်ရည်တွေအရည်ပျော်သွားခဲ့ရင်
နှမျောစရာ………….။။။

အမရာ

တကယ့်အဖြစ်အပျက်

2009-08-27T10:35:00.000+04:00

ချစ်သူ…………
ဒီနေ့မှာ
ဘဝကြီးဆိုးကြောင်း
ငါမပြောချင်သလို
မနေ့ကအကြောင်းလဲ
မပြောချင်ပြန်
မနက်ဖြန်အကြောင်းတော့
ငါလဲမသိဘူး

တကယ်ဆို
မင်းရီဖို့အတွက်ပဲ
အရာအားလုံးကိုစတေးချင်ခဲ့တာ
ငါငိုခဲ့သေးလားလို့
ပြန်မမေးချင်ပါနဲ့

ဖြစ်သမျှအကြောင်းပေါ့ဆိုတဲ့
ပေါ့ပေါ့တန်တန်စကားလုံးဟာ
ငါ့ရင်ကိုနဲနဲလေးမှမတိုးဘူး
လုပ်သလိုမဖြစ်ရင်ဖြစ်သလိုလုပ်ဖို့
ငါသေချာနေတယ်

မတန်မရာဆိုတော့လဲ
တန်တန်ရာရာဆိုတာကို
ဘာနဲ့တိုင်းတာကြသလဲ
ငါသိချင်ရုံသက်သက်ပါ

လမ်းကြုံရင်ပြောပြပေးပါ
အားတော့နာပါရဲ့
ဒီသမိုင်းက…………….
လှစေရုံသက်သက်မဟုတ်ခဲ့
အဖာအထေးများမယ်
ဇာတ်နာမယ်
ကြေကြေကွဲကွဲရှိမယ်
ဒါက တကယ့်အဖြစ်အပျက်။။။

အမရာ

အဝါရောင်အိမ်မက်

2009-08-23T00:00:00.001+04:00

မနေ့က…………….
အဝါရောင်အိမ်မက်တခုနဲ့ငါအတူရှိခဲ့

လေညင်းလေးရယ်
အမှန်တော့ငါက
နှင်းဆီနီနီလေးဖြစ်ချင်ခဲ့တာပေါ့
တကယ်တမ်းကျ
ဆူးချက်ဖြစ်သွားတယ်
ဒါဟာကံတရားတခုပါ
ငါမမှားခဲ့ပါဘူး

ကြယ်ပျလေးရယ်
အမှန်တော့ငါက
အမြဲတမ်းလွဲခဲ့ရသူပါ
ခံစားမှုတစုံတရာကြောင့်
အရာအားလုံးတိမ်းစောင်းသွားခဲ့မယ်ဆို
လျော်ကြေးအဖြစ်ငါ့ကိုစီရင်ပါ

နှင်းစက်လေးရေ
ငါကိုးကွယ်တဲ့အမှန်တရားက
တချို့လူတွေအတွက်
အဝင်ဆိုးမယ်ဆို
ငါ့အတွက်တော့အရသာပဲပေါ့

ဒီနေ့တက်ထိ…………..
အိမ်မက်တွေအဝါရောင်သန်းနေတုန်းပဲ။။။

အမရာ

ယောင်ချာချာအတွေးများ

2009-08-14T21:40:00.004+04:00

ဒီမှာ!
ဒီလောက်စိတ်ငြိမ်နေတယ်
အနှောင့်အယှက်လား ?
အသက်ရှုသံဖွဖွတောင်မထွက်မိပါစေနဲ့...........

ဒီမှာ!
ကောင်းကင်ကြီးကို
ရီးလေးခိုနေတဲ့တိမ်တိုက်လေးရေ
အတွေးလေးများတွေ့ခဲ့ရင်
တဆိတ်လောက်
ပစ်ချပေးလိုက်စမ်းပါ ............

ဒီမှာ!
အာရုံတွေမများပါနဲ့
ကျွပ်ဆတ်နေတဲ့စိတ်တွေ
မာကျောတောင့်တင်းနေပုံများ
ထိတာနဲ့တင်ကျိုးမယ် ...........

ဒီမှာ!
စိတ်တွေရဲ့ဆောက်တည်ရာမရမှုမှာ
ငါ့ကြောင့်၊ မင်းကြောင့်၊ သူ့ကြောင့်
ဘယ်သူ့ဘယ်သူကိုမှ
လက်ညှိုးမထိုးကြေး
ခဏတော့လွှတ်ပေးထားပါ ...........

ဒီမှာ!
အရောင်ပြောင်းတတ်တဲ့
လောကကြီးအကြောင်း
ခဏခဏမပြောနဲ့
နားရည်ဝနေတဲ့အကြောင်းအရာတွေ
မကြားချင်ယောင်ဆောင်ထားရင်တောင်
အမှတ်တမဲ့နားစွင့်မိတယ် ...........

ဒီမှာ!
ပိုးစိုးပက်စက်မျှော်လင့်ခြင်းတွေ
ပစ်စလက်ခတ်ဖြစ်သွားခဲ့မယ်ဆိုရင်တောင်
မျှော်လင့်ထားရတာနဲ့တင်တန်တယ်ကိုယ့်လူ ...........

ဒီမှာ!
ကဗျာတွေအသွားအလာမမှန်ဘူးဆိုရင်
ယောင်ချာချာတွေးထားလို့ပါ။။။

အမရာ

အိပ်ပြီ

2009-07-27T23:24:00.001+04:00

ငါ့အာရုံတွေ သူသွန်ပစ်ခိုက်
စကားလုံးတွေအလန့်တကြားခုန်ချ
အစီအစဉ်မကျလွဲမှားသွားခဲ့ကြ
ပြန်ခဲ့ပါ…….ပြန်ခဲ့ပါ
တကျော်ကျော်ခေါ်လည်း
လက်တောင်ခါမပြခဲ့

ခက်ပြီ……….
ဒီတခါလူခြေတိတ်ရင်
တိတ်တဆိတ်
ငါ့အာရုံတွေကိုငါပြန်ဝှက်
ကမ္ဘာမြေငိုနေခဲ့သလား
ကောင်းကင်ရှိုက်သံများလား
ငါကိုယ်တိုင်လဲမသေချာ

ဒီလိုနဲ့…….
တောင်တွေးမြောက်တွေး
အရိပ်သုံးပါးနားမလည်တဲ့အတွေးနဲ့
ကိုယ့်စိတ်ကိုကိုယ်ရွံရွံချွံချွံတိုက်ခိုက်ရင်း
ငါ…..ကျဆုံးသွားခဲ့။

အမရာ

ချစ်နေရုံလေးတင်

2009-07-07T22:14:00.000+04:00

ပါးလျလျဘဝတခုမှာလေ
ဆန္ဒတွေနဲ့လိုက်တမ်းပြေးတမ်းကစားလို့
ရပိုင်ခွင့်တွေမရပိုင်ခွင့်တွေအတွက်
သိပ်ပုံကြီးချဲ့မနေဘူး
ချစ်နေရရုံဆိုတာထက်
ခမ်းနားမြင့်မြတ်တာဘာမှမရှိဘူး။

တကယ်တော့လဲ
အတ္တဆိုတာမမွေးဖွါးလာခဲ့ရင်
ဘာကိုမှဘယ်သူကမှ
တွန့်တိုစရာအရာတခုလို့
အမြင်တွေမတိမ်းစောင်းနိုင်ဘူး
အရာအားလုံးကိုရက်ရောတတ်ကြလိမ့်မယ်။

ခုတော့ကွယ်……..
မရှိပါဘူးလို့ကြွေးကြော်ရင်တောင်
အရိပ်အရောင်ပြပြလာတတ်တော့
ငါလဲငါ့အတ္တနဲ့ငါ
နင်လဲနင့်အတ္တနဲ့နင်
ကမ္ဘာကုန်ကျယ်သရွေ့ပေါ့............ချစ်ရုံချစ်နေပြဦးမယ်……..။။။

အမရာ

အတည်ပြောတာ

2009-06-29T21:53:00.001+04:00

နေသားတကျဖြစ်နေတဲ့အရာတွေ
နေသားမကျဖြစ်သွားတဲ့အခါ
အသက်ရှုသံပြင်းပြင်းတွေပိုများလာ
မနက်ခင်းတွေအရုပ်ဆိုးလာ
စိတ်တွေကြမ်းရှလာ

အဝင်ဆိုးတဲ့အသံတွေကြား
လူးလူးလွန့်လွန့်နဲ့လန့်လန့်နိုး
မျိုချခံရတဲ့ဒေါသက
နဖူးကြောတွေပိုတင်းစေသလို
အစာအိမ်ကိုအချဉ်ပေါက်လွယ်တယ်

ဒါဏ်ရာတွေဗလပွဖြစ်လာပြီးတဲ့နောက်
စိတ်တွေမကျန်းမာတော့ဘူး
အားဆေးတွေအရည်ပျော်ကုန်ပြီ
မမြင်ရတဲ့စကားလုံးတွေနဲ့
စိတ်မှာကဗျာအကြိမ်ကြိမ်ရေး

ဒီတနှစ်ထပ်စောင့်ပါ………….
ဒီတနှစ်တည်းပါ…………………

ကိုယ့်ကိုကိုယ်ပြန်လိမ်ညာတဲ့
အခက်ဆုံးအလုပ်တခု
ဒီတခါသေချာအောင်
နောက်တခေါက်ထပ်ပြောမယ်
ဒီနှစ်ကုန်ရင်အိမ်ပြန်မယ်…………။။။

အမရာ

ပျော်ရွှင်ပါစေ............

2009-06-23T17:44:00.003+04:00

အိပ်မက်တွေများ
မက်ပစ်လိုက်မိတာ
မဟုတ်ဘူး
မက်ခဲ့မိတာကိုကအခါခါ...........

ဖြစ်လာမလားဖြစ်လာမလားနဲ့
အိမ်မက်မှာကိုကပျော်နေပြီးသားပါ
လက်တွေ့တွေမတွေ့တွေတော့
မသိဘူးရယ်...........

ပုံပြောကောင်းတယ်လား
မဟုတ်ဘူး
နားထောင်မှုတွေမရင့်ကျက်သေးတာ
ကိုယ်တိုင်ကအညာခံလွယ်တာ.........

ဘာဖြစ်ဖြစ်ပါ
ပျော်ရွှင်မှုဆိုတာ
အိပ်မက်မက်ရုံနဲ့တင်လဲ
ရတတ်ပါတယ်.......

လောကကြီးလဲ.....ပျော်ရွှင်ပါစေ.......။။။

အမရာ

ခါးသီးခြင်း..........

2009-04-30T15:01:00.002+04:00

စိတ်တွေကဆောက်တည်ရာမဲ့
ခုန်ပေါက်ပြေးလွှားကောင်းတုံး
အရာရာတိုင်းကိုစိတ်တိုင်းကျခွင့်မရှိဘူး
ခံစားချက်ရဲရဲတွေ
လူတကိုယ်လုံးကိုခြယ်သလို့
ရင်ဘတ်နဲ့မတူတော့တဲ့ရင်ဘတ်
နေရာလွတ်မကျန်အပ်ကြောင်းအထပ်ထပ်
ပြေးမလွတ်တဲ့စွပ်စွဲချက်တွေ
လက်ညှိုးငေါက်ငေါက်တွေ
အငြိုးတကြီးနဲ့စောင့်ကြည့်နေကြတဲ့မျက်ဝန်းနှစ်စုံ
ဘာတွေအလိုက်ပေးဖို့လိုပါသလဲ
ကောင်းခြင်းဆိုးခြင်း
ဘာကိုဘာနဲ့နှိုင်းကြမှာလဲ...........

လေကိုမရှုပဲလိုက်ဖမ်းမိသလိုမျိုး
မျှော်လင့်ချက်အသေတွေကိုအသက်သွင်းမိသလိုမျိုး
ဒီလိုနဲ့………………..
လူးရင်းလွန့်ရင်း
တွန့်ကြေသွားခဲ့တဲ့အိပ်ယာခင်းကို
မိုးလင်းတိုင်း
ပြန်ပြန်ဖြန့်မိရဲ့……။။။

အမရာ

အနာလွန်နေတဲ့ဇာတ်

2009-04-14T22:02:00.004+04:00

နဂိုကတည်းက
နာပြီးသားဇာတ်တခု
ဒါကိုပဲ.........
နာနိုင်သမျှထပ်နာစေချင်ကြရဲ့

ပြဇာတ်တပုဒ်မဟုတ်ခဲ့
ပြောလို့ကောင်းမယ့်ပုံပြင်မဟုတ်ခဲ့
ဒါဟာ...........
တကယ့်အဖြစ်အပျက်

အလျော်အစားများခဲ့
မတန်မရာတွေဖြစ်ခဲ့
ဒါကြောင့်.............
နှလုံးသားတွေပက်ကြားအက်ခဲ့

မဟုတ်ပါဘူး
ဟုတ်ပါတယ်
ဒါနဲ့ပဲ............
မငြင်းသလိုနဲ့မရှင်းပြခဲ့

နဖူးမှာပါခဲ့တဲ့ဒီစာ
ဘယ်လိုတန်ခိုးရှင်ကပယ်ဖြတ်နိုင်မလဲ
ဒါမျိုးပြောရင်.................
အော်ရယ်နေကြမလား

ငါ့ကိုယ်မှာသင့်နေဆဲကျိန်စာ
နောင်ဘုရားတဆူပွင့်ရင်တော့
ပြယ်ကောင်းပါရဲ့...............

ခုထက်ထိတော့
ကန္တာရမှာ မိုးကောင်းတုန်းပဲ။

အမရာ

တမ်းခြင်း

2009-04-14T00:13:00.004+04:00

အဲဒီနေ့ကိုပြန်ရောက်ပြီဆို

ဒီရင်ဘတ်ကပရမ်းပတာ

မျက်ဝန်းမိုးမရွာချင်လို့

ပြက္ခဒိန်မကြည့်ရက်

ဒါနဲ့တောင်..........

တားမရဆီးမရ

ပေါက်ချလာခဲ့

ပိတောက်တွေကအနံ့ပေး

မိုးမင်းကကိုယ်ယောင်ပြ

ချစ်သူရေ...........

ဒီတနှစ်ကော

အိပ်မက်တွေနဲ့ပဲလား

ငါတော့ရူးမယ်

ကဲ...ဒါဆို...........

ခဏလောက်

အိမ်မက်တွေအိပ်ပါ.................။

အမရာ

သံသယ

2009-03-19T11:51:00.000+04:00

သူ……ဟာ
တခါတရံမှာ
ငါမခေါ်ဘဲလာတဲ့
နတ်ဆိုးတပါးပါ။

သူ…..ဟာ
တခါတရံမှာ
ငါမတာင်းဆိုပါဘဲနဲ့
ငါ့ကိုယ်ထဲအတင်းဝင်တဲ့
မိစ္ဆာတကောင်ပါ။

သူ…..ဟာ
တခါတရံမှာ
ငါ့ရဲ့နားလည်ပေးတတ်မှုတွေကို
ခိုးခိုးပြီးလွှတ်ပစ်တတ်တဲ့
ငါနဲ့အတူရှိနေတတ်တဲ့
မကောင်းဆိုးဝါးတကာင်ပါ…………။

အမရာ

အတိတ်ချို

2009-03-04T21:36:00.004+04:00

ဟိုး....ခပ်ဝေးဝေးမှာလေ
ငါတို့ရဲ့အတိတ်တွေများတောက်ပခဲ့ဘူးလိုက်ကြတာ
ငါတို့တွေအတူတူရှိခဲ့စဉ်တုံးကပေါ့

တဆိတ်လောက်ငါ့ကိုအမြဲအိပ်ခွင့်ပေးပါ
ငါ့မျက်လုံးတွေမှိတ်ပစ်လိုက်တိုင်း
အဲဒီ့အတိတ်မှာငါရှိနေဆဲမို့ပါ

အရင်တုံးကငါမသိခဲ့ပါဘူး
အဲဒီမှာအချစ်တွေအဲလောက်ပြည့်ကျပ်နေမှန်း
ငါတို့ဝေမျှခဲ့ကြတဲ့အိမ်မက်ချိုချိုတွေရောပေါ့
ငါရှာဖွေနေတဲ့တစုံတရာဟာလဲရှိနေခဲ့တယ်

အော်....အမှတ်တရတွေရယ်
ဘာကြောင်မို့ထားပစ်ခဲ့မိကြသလဲကွယ်
ခုတော့...ငါ..ရူးမိပါကောကွယ်

မိုးရွာထဲမှာလမ်းလျှောက်ကြတုံးကပေါ့
မင်းငါ့ကိုဘယ်လောက်ချစ်သလဲ
ငါမမေးကြည့်ခဲ့ဘူး
ငါမင်းကိုဘယ်လောက်ချစ်သလဲပဲငါပြောခဲ့တယ်
ခုတော့ငါမေးချင်တယ်
မင်းငါ့ကိုဘယ်လောက်ချစ်သလဲကွယ်

နှုတ်မဆက်သွားပါနဲ့အုံး
ငါ့ကိုဒီလိုညမျိုးတညလောက်အပိုပေးပါကွယ်
ငါမင်းနဲ့အတူလျှောက်ချင်လို့
ဒီလမ်းကလေးအဆုံးထိတင်ပါ...........။

အမရာ

ငါ့ရဲ့တနေ့တာ

2009-03-02T14:30:00.003+04:00

ဦးထုပ်ကိုခပ်ငိုက်ငိုက်စောင်း
ဘောင်းဘီအိတ်ထဲလက်ထည့်
Music ကို Play
နားကိုအစာကျွေး
သံစဉ်ထဲမှာမျော
စိတ်တွေကိုကောင်းကင်ပေါ်ပစ်တင်

ဟောသလောက်ပူတဲ့နေရောင်အောက်
ခပ်သုတ်သုတ်နဲ့လျှောက်စမ်း
ဟိုမှာဘတ်စ်ကား.....ဟိုမှာတက္ကစီ
ဖြတ်ခနဲတော့ကြည့်
ပြီးရင်ဆက်လျှောက်

အိမ်ကိုရောက်ရင်xxxxxxxxx
မရိုးနိုင်တဲ့ဓါတ်ပြားဟောင်းကြီးတပုဒ်လို
ရေတခွက်ဘေးချ
ဘဲဥကြော်နဲ့နှစ်ပါးသွား

အဲသလောက်တောင်ကဗျာဆန်သလား
ငါ့ရဲ့တနေ့တာ။

အမရာ

ထိုအရာ

2009-02-26T12:08:00.001+04:00

တမက်တမောရှိမိခဲ့တဲ့အရာ
ရူးသွပ်လွန်မိခဲ့တဲ့အရာ
ဆုပ်ကိုင်ချင်မိခဲ့တဲ့အရာ
တသသဖြစ်မိခဲ့တဲ့အရာ
အရာအားလုံးနဲ့လဲနိုင်ခဲ့တဲ့အရာ
တငိုငိုတရီရီဖြစ်ခဲ့တဲ့အရာ
ရှိမကောင်းမရှိမကောင်းတဲ့အရာ
မတိမ်ကောမပျောက်ဆုံးနိုင်တဲ့အရာ
မကင်းနိုင်မကင်းကြောင်းအရာ
မခေါ်ပဲလာမနှင်ပဲပြန်တဲ့အရာ
ပုံဖေါ်ကြည့်လို့မရတဲ့အရာ
ဘာကြီးမှန်းမသိတဲ့အရာ
ရုန်းလေနစ်လေဖြစ်စေတဲ့အရာ
တင်စားရခက်တဲ့အရာ
ငါမကြိုက်တော့တဲ့အရာ
ငါကြိုက်မိခဲ့တဲ့အရာ
ထိုအရာ……….
ထိုအရာ………
ထိုအရာကို……..“ ဒာ ချ စ် ဟုေ ခါ် သ ည် ”

အမရာ

ချစ်တတ်သူ

2009-02-25T02:22:00.004+04:00

ပေးနိုင်တာထက်ကိုပိုပေးခဲ့တာမို့
တန်ဖိုးလျော့ခဲ့တာလားဟာ
မချစ်ဘူးလို့ရူးခဲ့တာမဟုတ်ဘူး
ချစ်ဘူးလို့ပဲရူးခဲ့တာ

ယုံမယ်မှန်းသိလို့တမင်
ပါးပါးလေးပဲလှိမ့်ခဲ့တယ်လို့
ကြွားလုံးထုတ်နေမှာလား
နင့်ရဲ့ပါးပါးကငါ့တဘဝနဲ့ညီမျှသွားတယ်

နာနေတဲ့ရင်တခြမ်း
ချစ်နေနိုင်သေးတဲ့ရင်တခြမ်းနဲ့
ငါ………….မတ်မတ်ရပ်နေသေးတယ်

ဒါအိမ်မက်ပါလို့ကူမညာခိုင်းနဲ့
ငါနိုးနေတာကြာခဲ့ပြီ

အဖြေတွေကြိုသိနေတဲ့မေးခွန်းပေမဲ့
ကြိုးစားပမ်းစားတွက်ခွင့်ရချင်သေးတယ်

နင်ပစ်ချထားခဲ့ပေမယ့်
ငါပစ်မကျခဲ့သေးဘူး
နင့်ကိုလွမ်းကောင်းတုံးပဲ

လမ်းကြုံလို့ချစ်သွားခဲ့တာပါဆိုရင်တောင်
ဒီလမ်းကိုပဲခဏခဏကြုံချင်နေခဲ့သလိုမျိုးပေါ့

ထင်တာထက်မပျော့နေတဲ့စိတ်တွေနဲ့
နင့်ကိုချစ်တယ်လို့ပြောချင်သေးတယ်
နင့်ရှေ့ကပျောက်ကွယ်သွားမှာထက်
ရှိနေရက်နဲ့ကိုချစ်နေအုံးမယ်
နင်မလေးစားတဲ့ဒီအချစ်ကို
ငါတလေးတစားနဲ့ဒူးထောက်ပြမယ်

အရာအားလုံးကိုငါတိုင်တည်တယ်
နင့်ကိုချစ်နေသမျှဟာဝဋ်ကျွေးတခုဆို
ဒီဘဝနဲ့တင်ကျေအောင်ဆပ်မယ်။

P.S အချစ်ဆုံးညီမတယောက်ရဲ့ခံစားချက်အတွက်ထပ်တူထပ်မျှခံစားချက်

အမရာ

ညည်းချင်း

2009-02-19T02:19:00.002+04:00

ဘဝကပါးလျဖျော့တော့တော့်
ညည်းသံတောင်နပ်မမှန်ချင်ဘူး
ကိန်းဂဏာန်းတွေရဲ့ကြီးစိုးမှုတဲ့
ကမ္ဘာပျက်ကိန်းပဲ
ဘယ်နေရာပဲရောက်ရောက်
ရိုးရာမပျက်ကုန်ဈေးနှုန်းကတက်တယ်
ကံဆိုးမသွားလေရာမိုးလိုက်လို့ရွာသတဲ့
လစာကတိုးမယ်မကြံ
အကြောင်းပြချက်ကလှချက်
ဟိုနိုင်ငံကိုဆွဲထည့်သူပါသယောင်ယောင်ညာဖြီး
ဒီတနှစ်လဲဒုံးရင်းပါပဲ
အမေရယ်..အမေ့စာကို လွမ်းတော့လွမ်းတယ်
ဖြစ်နိုင်ရင်အမေ့စာထဲကကိန်းဂဏာန်းမှာ
သုညတလုံးလောက်ဖြုတ်ချပေးပါ။
အပေါင်းအနှုတ်အမြှောက်အစားတွက်ဖန်များတော့
ဂဏာန်းပေါင်းစက်ကသေချင်ယောင်ဆောင်တယ်
တသက်လုံးသုံးခဲ့တဲ့ခေါင်းကလဲအဲရာတက်တယ်
ကဲဒီတော့အမေရယ်
အထက်ကပြောခဲ့တဲ့အတိုင်းပဲ
တဆိတ်လောက်ကျေးဇူးပြု၍
သုညလေးတလုံးလောက်ဖြုတ်ချပေးပါ။

အမရာ

ငါ့ကိုချော့ပါ

2009-02-18T21:23:00.002+04:00

ညတညမှာ
ပေါက်ကွဲပြင်းရှခဲ့တဲ့ခံစားချက်တခု
အသေးစားလေးပါ
ဒါကိုပဲရေးကြီးခွင်ကျယ်လုပ်လိုလုပ်
မရိုးနိုင်ခဲ့ဘူး
ဒီဇာတ်ကိုပဲထပ်ထပ်ကချင်ခဲ့
ငါ့ကိုချော့ပါ
မှားနေခဲ့သည့်တိုင်အောင်ပဲ
အဲဒီလမ်းမထက်မှာ
နင်မလာမချင်းခေါင်းငိုက်စိုက်ချလို့
ပါးပြင်ပေါ်မှာ
မျက်ရည်တွေကနင့်ကိုမျှော်တယ်
တကယ်လို့များ
နင်နောက်ကျခဲ့ရင်ငါလေ

ဒုတိယမြောက်ဂျုးလီးယက်လုပ်မယ်။

အမရာ

တမ်းတမ်းတတ

2009-02-11T15:52:00.003+04:00

ဘယ်သူကမှခြားနားခဲ့တာမဟုတ်ဘူး
ကိုယ်တိုင်ကပဲခြားနားပစ်ခဲ့တာ
ဒီလောက်အဝေးကြီးရောက်ပြီးကာမှ
နောက်ပြန်ပြန်မကြည့်နဲ့တော့...........

မျက်ရည်စီးကြောင်းရဲ့ပုံမှန်လည်ပါတ်အားနဲ့
အမြစ်တွယ်ရှင်သန်နေတဲ့အလွမ်းကို
သူ့ဘာသာသူအကိုင်းအလက်တွေနဲ့
ထွားကျိုင်းသန်မာပလေ့စေ

တခုခုဖြစ်တိုင်းဒီပါးစပ်က
အမေလို့ခဏခဏမတနဲ့
အမေအေးအေးသက်သာနေပါစေ

အလုပ်ပြန်လို့ကားပေါ်ကဆင်းရင်
ဒီမျက်လုံးကအဖေ့ကိုမရှာနဲ့
အဖေ စိတ်ချလက်ချအိပ်ပါစေ

အမေချက်တဲ့ဟင်းတိုင်း
ဂျီးများတတ်တဲ့ပါးစပ်က
ကိုယ့်လက်ရာကိုတော့စောဒကတက်ခွင့်မရှိဘူး

နေကောင်းလဲအလုပ်သွား
နေမကောင်းလဲအလုပ်သွား
အဖေကအရင်လိုခွင့်တိုင်ပေးလို့မရဘူး

အတိတ်တွေကကျန်ခဲ့ပြီ

ဘယ်သူကမှခြားနားခဲ့တာမဟုတ်ဘူး
ကိုယ်တိုင်ကပဲခြားနားပစ်ခဲ့တာ
ဒီလောက်အဝေးကြီးရောက်ပြီးကာမှ
နောက်ပြန်ပြန်မကြည့်နဲ့တော့..............။

အမရာ

မောင်ကပြောတယ်........

2009-02-04T13:33:00.006+04:00

မောင်ကပြောတယ်…………..
စိတ်တွေကိုဗလာကျင်း
အသက်ကိုဝဝရှု
လောကကြီးကိုပြုံးပြုံးလေးကြည့်

မောင်ကပြောတယ်…………..
ကောင်းကင်ကြီးရဲ့အကြောင်း
သမ္မတကြီးတယောက်အကြောင်း
သူ့ရဲ့အကြောင်း

မောင်ကပြောတယ်…………….
မျက်ရည်မကြိုက်ဘူး
ရယ်သံတွေပေးပါ
ပျောင်ချော်ချာ်မလုပ်နဲ့

မောင်ကပြောတယ်………………
မိုးချုပ်နေပြီ
အိမ်ကောင်းကောင်းပြန်
အိမ်ပျော်အောင်အိပ်

မောင်ကပြောတယ်…………….
သဲကိုချစ်တယ်
သားလေးမွေးပေး
မနက်ဖြန်အိမ်ပြန်ကြမယ်။

အမရာ

အမြဲပဲ

2009-01-27T21:33:00.000+04:00

ဖွင့်ချပြဖို့ခက်တယ်
အမြဲပဲ.....အမြဲပဲ.........

ဖမ်းလို့မနိုင်တဲ့စိတ်
အမြဲပဲ....အမြဲပဲ...........

စိတ်ကူးတည့်ရာတဲ့
အမြဲပဲ.....အမြဲပဲ...........

လွင့်လွင့်နေတတ်တော့
အမြဲပဲ.....အမြဲပဲ.............

ခပ်ပြင်းပြင်းပြန်ကြားတဲ့အသက်ရှုသံတွေ
အမြဲပဲ......အမြဲပဲ..............

နံရံတွေကပြန်ပြန်အော်တယ်
အမြဲပဲ......အမြဲပဲ.................

Darling ရေ........Darling ရေ
အမြဲပဲ.......အမြဲပဲ...................

အော်ခေါ်နေရင်းနဲ့ တိုးလျညင်းညင်း
အမြဲပဲ......အမြဲပဲ......................

ခုတော့မိုးလင်းသွားပြီ................

အမြဲပဲ.......အမြဲပဲ................

အမရာ

အရှုံးတွေထဲမှာ နေပျော်တယ်

2009-01-25T21:11:00.001+04:00

အရှုံးတွေထဲမှာ နေပျော်တယ်
ရပါစေတော့ရယ်လို့ မျှော်ကိုးခဲ့ရင်
ပေးဆပ်ခြင်းတွေ မရက်ရောဘူး ……………………….

အရှုံးတွေထဲမှာ နေပျော်တယ်
ချုံးပွဲချငိုကြွေးတဲ့ ရက်တွေမှာ
တိုးလျိုးသံဖျော့ဖျော့တွေ ပြန့်ကျဲနေ ……………………..

အရှုံးတွေထဲမှာ နေပျော်တယ်
သေရာပါဒဏ်ရာအပြည့်နဲ့ ကျိန်စာသင့်ရက်စွဲတွေ
ရင်ကော့ပြီးဖြတ်နေရ ………………………..

အရှုံးတွေထဲမှာ နေပျော်တယ်
ရက်ရာဇာပါရင်တောင်
ပြဿဒါးဖြစ်ဖြစ်သွားတော့
ထူးပြီးတော့မကြေကွဲတတ်ခဲ့ …………………….

အရှုံးတွေထဲမှာ နေပျော်တယ်
ငါနဲ့မဆိုင်တဲ့ ကံကောင်းခြင်းရေ
ဘယ်တော့မှလာမပတ်သတ်လည်း
ယောင်ယောင်လေးတောင် မလွမ်းချင် ………………….

အရှုံးတွေထဲမှာ နေပျော်တယ်
နေ့စဉ်မှတ်တမ်းဟာ
သမိုင်းဖြစ်လာစေဖို့
ဒီရာဇဝင်ကို သွေးနဲ့ဆိုလည်း ရေးမယ် …………..

အရှုံးတွေထဲမှာ နေပျော်တယ်
မပိုင်ဆိုင်ရစေဦးတော့
ချစ်နေရရင်ပဲနေပျော်ပြီ
အရှုံးတွေထဲမှာနေပျော်တယ်
အရှုံးတွေထဲမှာ………..
အ...ရှုံး…တွေ…ထဲ…မှာ ……………………………….။။။

အမရာ

ဆန္ဒ

2009-01-14T02:04:00.002+04:00

အချစ်ရယ်……………..
ပူလောင်မှုတွေကြားထဲကပဲ
အမှတ်မရှိပူလောင်ခံချင်သေးတယ်

အချစ်ရယ်…………………..
ရှိုက်ကြီးတငင်ငိုကြွေးပြီးတာတောင်
ထပ်ထပ်ပြီးငိုချင်နေသေးတယ်

အချစ်ရယ်………………….
အဆီအငေါ်မတည့်တဲ့အတွေးတွေကို
တွေးရင်းတောရင်းနဲ့ကိုတွေးတောနေချင်မိသေးတယ်

အချစ်ရယ်………………….
နှစ်သိမ့်ပေးနေတာတောင်
ဒီထက်မကတဲ့နှစ်သိမ့်မှုကိုမျှော်ငေးလိုက်သေးတယ်

အချစ်ရယ်…………………
ဒါဏ်ရာတွေနဲ့အလူးအလဲကြားက
နောက်ထပ်အသစ်တခုကိုကမ်းလင့်နေပြန်သေးတယ်

အချစ်ရယ်…………………..
အရာရာဟာကံတရားအတိုင်းပါပဲလို့သိနေတာထက်
ကံတရားကြီးကိုကိုယ့်ဘက်ပါအောင်ဆွဲဆောင်ချင်မိသေးတယ်

အချစ်ရယ်………………
အိမ်မက်တွေထဲမှာတောင်ရှုံးတဲ့ပွဲကို
မနိုင်မချင်းဆက်မက်ချင်သေးတယ်

အချစ်ရယ်…………………
ညကနက်သထက်နက်နေတာတောင်
ဒီထက်မကကိုနက်နေစေချင်သေးတယ်

မိုးရယ်မလင်းလိုက်ချင်ပါနဲ့....................။

အမရာ

အဆင်ပြေအောင်.........

2009-01-08T21:17:00.001+04:00

ပိတ်လှောင်မှုတွေရှိနေတယ်
ဘာမှစိတ်ဓါတ်မကျနဲ့
နားလည်မှုတွေထပ်တူကျမှုအတွက်
ဘာအကြောင်းပြချက်နဲ့မှမတုန်လှုပ်ဘူး
ချစ်ခြင်းတွေလိပ်ပြာသန့်တယ်
ဒါအိမ်မက်မဟုတ်ခဲ့ဘူး
ပိုင်ဆိုင်မှုမပိုင်ဆိုင်မှုဟာငါနဲ့မဆိုင်ဘူး
ငါနဲ့ဆိုင်တာ…….
ဒီနေ့ထက်ထိချစ်နေသေးတယ်
ပွဲကသိပ်ကြည့်မကောင်းဘူး
ငါ့ဘေးမှာကနင်တယောက်တည်း
တလောကလုံးကသူတို့ဘက်မှာ
ငါမကြေကွဲပါဘူး
ငါလိုတာနင်တယောက်တည်း
တကယ်လို့……………
နင်စိတ်ပြောင်းမယ်ဆိုကြိုပြောခဲ့ဦး
ငါ့ကိုငါ နှုတ်ပိတ်ချင်လို့။

အမရာ

မညီမျှခြင်း

2008-12-23T23:55:00.001+04:00

ကမ္ဘာတခြမ်းမှာ သူတို့ပျော်နေကြတယ်
ကမ္ဘာတခြမ်းမှာ ငါငိုနေတယ်
ကမ္ဘာတခြမ်းမှာ သူတို့မျှော်လင့်တကြီးနဲ့
အဲဒီကောင်းကင်ကြီးကိုပေါ့
ပြုံးပြုံးကြီးမော့မော့ကြည့်လို့
ကမ္ဘာတခြမ်းမှာ ငါလေ ရင်ကွဲပက်လက်နဲ့
အနားသတ်မရှိတဲ့ပင်လယ်ကြီးကိုငေးလို့
ကမ္ဘာတခြမ်းမှာ ဟိုတယောက်ပေါ့
အဖေ..အမေ…ဆိုပြီး ဂန္ဓဝင်မြောက်ကဗျာတွေစပ်လို့
ကမ္ဘာတခြမ်းမှာ ငါကတော့
အဖေ..အမေ..ဆိုပြီး ဂန္ဓဝင်မမြောက်ကိန်းဂဏာန်းတွေနဲ့နပန်းလုံးနေရဲ့
ဒီလိုနဲ့……………………………………………..
………………………………………………………
ကမ္ဘာတခြမ်း သူတို့ပျော်ရွှင်စွာဆုံဆည်းကြတယ်
ကမ္ဘာတခြမ်းမှာ ငါကအငွေ့ပျံပျောက်ဆုံးလို့
ငါကအငွေ့ပျံပျောက်ဆုံးလို့
ကမ္ဘာတခြမ်းမှာလေ………………….။

အမရာ

ချိန်းထားတယ်

2008-12-10T16:19:00.003+04:00

လမင်းစိတ်ကောက်တဲ့ညမှာ
ငါလဲခြေမကိုင်မိလက်မကိုင်မိဖြစ်တယ်......
ပြတင်းပေါက်ကိုကွယ်ပြီးချောင်းတော့
တစက်ကလေးတောင်ခေါင်းပြူမကြည့်ဘူး.....

နင်မရှိတဲ့ညမှာငါ့ကမ္ဘာဘယ်လောက်မှောင်သလဲ.....
ထပ်ခါတလဲလဲရှင်းမပြချင်ဘူး.........
အမှောင်ကိုငါကြိုက်ပေမယ့်လရောင်ကိုလွမ်းတတ်တယ်လေ.........
ဒီလောက်အေးတဲ့ဆောင်းမှာစိတ်ဆိုးမာန်ဆိုးထစ်ချူန်းမိုးမချချင်ဘူး......
မျက်နှာရှစ်ခေါက်ချိုးနဲ့လေရူးလဲမသုန်ချင်ဘူး.......

ကဲပါဖိုးရွှေလရယ်........မာနကြီးလိုက်ပုံများ
နောက်တခါစိတ်မကောက်ကြေး............
မနက်ဖြန်ကြရင်တွေ့မယ်နော်................။

အမရာ

ရင်ထဲကအကြောင်း

2008-12-04T01:28:00.002+04:00

လိုက်လိုက်ကောက်နေရတဲ့အိမ်မက်အပိုင်းအစတချိူ့
လွင့်လွင့်သွားတဲ့မျှော်လင့်ခြင်းတချိူ့
အသက်ရှုကြပ်စေမယ့်ကဗျာအတိုတထွာတချို့
ဝင်သက်ထွက်သက်မမှန်ရှာတဲ့စကားလုံးကြမ်းတချို့
တောင်တစမြောက်တစအတွေးတချို့
မနေ့ကမြင်ခဲ့တဲ့ရက်စက်တတ်တဲ့အပြူံးတချို့
ပြောဖြစ်ခဲ့တဲ့အရာမဝင်တဲ့စကားတချို့
မမျှတတဲ့အရော်အစားတချို့
မတန်လို့ပယ်ဖျက်ခံရတဲ့အရင်းအနှီးတချို့
တဘဝစာလုံးနီးပါးရမယ့်ကျိန်စာတချို့
အချိန်အတန်လွန်လွန်းနေတဲ့ရင့်ရော်မှုတချို့
ခပ်ပါးပါးလွမ်းမိတဲ့ပါးပြင်ပေါ်ကမိုးစက်တချို့
ကိုယ့်အတွက်ကိုယ်ပြန်လှောင်ရီဝံ့တဲ့လှောင်ရီသံတချို့
မာနပျောက်ရှခဲ့တဲ့သက္ကရာဇ်တချို့
အိပ်မပျော်သူများရဲ့အခြောက်ခြားဆုံးညတချို့

ဒီလိုတချို့တချို့ပေါင်းများစွာတွေရဲ့ဆွဲဆောင်မှုနောက်ကို
ပြေးပြေးလိုက်နေတဲ့တချို့တချို့သောလူတချို့
ငါကိုယ်တိုင်ဟာလည်းတချိုတချို့လူဖြစ်လို့။

အမရာ

အရူးကဗျာ (၂)

2008-12-02T00:20:00.002+04:00

ငါဖန်တီးလို့မရတဲ့ကံတရားရယ်.......
ဖြစ်ချင်တိုင်းဖြစ်လာတဲ့အရာတွေရယ်.....
နောက်ထပ်ဖြစ်ချင်ရာတွေဖြစ်ပြဖို့ဆိုင်းပြင်းနေတဲ့.....ငါမမြင်ရတဲ့အရာတွေရယ်......
ဘာပဲဖြစ်ဖြစ်ငါကြိုဆိုမယ်.........။

ငါဟာမှော်ဆရာတယောက်မဟုတ်ခဲ့ရင်တောင်......
အိပ်မက်တွေကိုပျော်ခိုင်းမယ်..........။

အမရာ

မမြင်နိုင်ခြင်း

2008-11-24T01:26:00.001+04:00

ပုန်းလျှိုးကွယ်လျှိုးဆိုတဲ့ဘဝတခုမှာဘဲ
နေသားကျခဲ့ရတာပါ……………………
ဘယ်တော့မှဖြစ်မလာနိုင်တဲ့ထမ်းပိုးထားတဲ့ဆန္န
ဒီဆန္နတွေနဲ့လုံးလည်ချာလည်ရှိနေတဲ့မျှော်လင့်ချက်အသေ……

အော်….ဘဝရယ်……..ဝေးလိုက်တာများ……..
ဟိုး………အဝေးကြီးမှာ…………………………..

မမက်ဝံ့တာလားမမက်ရဲတာလားမက်ခွင့်မရှိတာလား
မသေချာမှုတွေရဲ့မေးခွန်းတွေနဲ့ တင်စားထားတဲ့အိပ်မက်…
နောက်ဆုံးတော့လည်း…………………………………..
ပုန်းလျှိုးကွယ်လျှိူးနဲ့ပေါ့……………………………….
ရဲရဲသာမက်ပစ်လိုက်ကွယ်…အိပ်မက်လှလှရယ်……
ပုန်းလျှိုးကွယ်လျှိုးနဲ့ပေါ့။

အမရာ

စိတ္တဇ (၁)

2008-11-19T16:15:00.003+04:00

ငါ့စိတ်တွေငလျင်လှုပ်တော့
ငါ့ကဗျာတွေကကြမ်းတယ်
ငါ့ခေါင်းကိုတွင်တွင်ရမ်းတော့
ပြုတ်ပြုတ်ကျတာစကားလုံးမည်းတွေ
ငါ့မျက်လုံးတွေစွတ်မှိတ်ပြစ်တော့
အရိပ်အရောင်ပြတာ ???? တွေ
အမှောင်ထဲမှာခြောင်ကပ်ခွေတော့
နီးနီးလာတာအရိပ်မည်းတွေ
ပါးစပ်မပါတဲ့အပြုံးမည်းတွေ
ကမ်းပေးလာတဲ့လက်မည်းမည်းတွေ
ကြောက်လန့်တကြားနဲ့ထိုးချလိုက်တဲ့
ဘောပင်အမဲရောင်တချောင်း
xxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxx
ဒီလိုနဲ့..........................
ဝမ်းသာအားရရယ်သံမည်းမည်းတွေနဲ့အတူ
ငါပျောက်ဆုံးသွားခဲ့။

အမရာ

အရူးကဗျာ (၁)

2008-11-18T23:43:00.004+04:00

တငြိမ့်ငြိမ့်လေးရူးနေမယ့်အရူး........

တစိမ့်စိမ့်လေးရူးနေမယ့်အရူး.........

ယဉ်ယဉ်လေးရူးနေမယ့်အရူး..........

သွက်သွက်ခါရူးနေမယ့်အရူး...........

ကမ္ဘာပျက်အောင်ရူးနေမယ့်အရူး......

သုံးရာသီလုံးရူးနေမယ့်အရူး..........

မနက်ဖြန်တိုင်းတောင်ရူးနေမယ့်အရူး......

ရိုးမြေကျအောင်ရူးနေမယ့်အရူး..........

ထာဝရတိုင်အောင်ရူးနေမယ့်အရူး.......

တလောကလုံးကိုဘုကြည့်ပြီးရူးနေမယ့်အရူး.........

အရာအားလုံးကိုတိုင်တည်ပြီးရူးနေမယ့်အရူး.............

ရူးခွင့်ရှိတာထက်ကိုပိုရူးနေမယ့်အရူး.............

အဲဒီငါဆိုတဲ့ကောင်......စောက်ရူး...................

အချစ်ရူး။

အမရာ

ရင်ကွဲသူ

2008-11-12T23:27:00.003+04:00

ဘာရယ်တော့မဟုတ်ပါဘူး.....
အရင်ကတည်းကမခိုင်တဲ့စိတ်နဲ့......
လေတိုးရင်တောင်လွင့်လွင့်သွားမလားစိုးထိတ်နဲ့ပဲ.....
တိုးတိုးပြီးဆုပ်ထားလိုက်ရုံပါ........

နားလည်ပေးပါချစ်သူရယ်......
အသက်ရှုကြပ်မယ်ဆိုရင်တော့........
ငါ.......ခိုး...ခိုးပြီးပဲ..........
လွမ်း.....လွမ်း........လွမ်း.....လွမ်းပါရစေ။
ဲ

စိတ်လေတယ်

2008-10-28T23:32:00.003+04:00

တခါတလေလေးကိုယ့်စိတ်နဲ့ကိုယ်
နာမကျန်းဖြစ်မိတာကို
တလောကလုံးများမိုးချုပ်ပြစ်လိုက်ဖို့
စိတ်ကူးမိသေး.............

မဆီမဆိုင်နိုင်ရာပဲဖိထောင်းနေ
ဟိုကလျစ်လျှူရှုထားပုံများ
မျက်လုံးတောင်ထောင့်ကပ်မကြည့်ဘူး
ဒါကြောင့်ပြောပါတယ်သွားသွားမလုပ်ပါနဲ့လို့.......

အသုံးမကျတဲ့စိတ်ကူးတွေ
ခွေးကျွေးရင်ခွေးတောင်မစားလောက်ဘူးထင်ပါ့
လဲသာသေလိုက်တော့........။

အမရာ

ဒါနဲ့များတောင်

2008-10-16T00:58:00.000+04:00

ကမ္ဘာကြီးကျယ်သတဲ့ဘယ်သူပြောသတုံး
ခုတော့လည်းသူတို့တွေနဲ့ငါဒီတနေရာထဲမှာပဲလေ
နောက်ထပ်ထပ်ဟစ်ကြမယ့်လူတွေကိုရော
ထုံးစံအတိုင်းပဲ ဒီနေရာမှာပဲပေါ့
အရင်ကတော့ငါလည်းရောတိရောရောင်နဲ့ပဲကျယ်တယ်ပေါ့
နောက်တော့လဲငါကိုယ်တိုင်အမှန်တရားကိုတွေ့တယ်
သူကလည်းအဲဒီနေရာမှာရှိတယ်
ချိန်းဆိုမှုမရှိပဲငါတို့လဲအဲဒီနေရာကိုပဲသွားကြတယ်
ဒါနဲ့များကမ္ဘာကြီးကျယ်သတဲ့………အရူးတွေ
တကယ်တော့…………
ကမ္ဘကြီးဟာကျဉ်းကျဉ်းလေးပါ
ငါစောင့်နေတယ်။

အမရာ

အပြင်းစားရှိုက်သံ

2008-10-11T18:34:00.003+04:00

မမြဲခြင်းရဲ့သဘောကိုငါကိုယ်တိုင်ကြေညက်မှတော့
အချိန်တခုအထိတော့ငါပိုင်ဆိုင်ခွင့်ရှိမှာပါ…………

ထာဝရအတွက်လို့ရည်စူးပေမယ့်
လောဘကြီးတယ်အတ္တကြီးတယ်လို့မစွပ်စွဲကြေး…….

ဘုရားပေးသလောက်ပေါ့ချစ်သူရယ်
ငါကိုယ်တိုင်လည်းရောင့်ရဲမှာပါ……………

ခပ်ရေးရေးဆိုပေမယ့်မြင်ရတယ်ဟုတ်
အကယ်၍များ ငါစစ်ရှုံးခဲ့ရင်မင်းကိုတော့မှဲ့တပေါက်မစွန်းစေရပါ……………

မင်းထမ်းပြန်မယ့်ရွှေအိုးအတွက်
ငါ့ကိုငါထုဆစ်ပါ့မယ်………………………

သူတပါးကျွမ်းလောင်မှာထက်
ငါ့ကိုငါကို ငါပိုကြိုက်တယ်………………………..

မင်းရင်ကအမေလို့တခါတရင်
ငါ့လိပ်ပြာတွေ ငိုပွဲဆင်တယ်…………………………

ငါကိုယ်တိုင်ကအပြစ်ရှိခဲ့တာလား
ငါ့ညတွေမှာသူတို့ရဲ့ညိုညင်မှုတွေကြီးစိုးလာရဲ့…………………

အပြစ်မတင်ပါနဲ့ကွယ်
ငါကိုယ်တိုင်ကလူရိုသေရှင်ရိုသေမှမနေတာ…………….

မထောင်ချင်ပါနဲ့ပါးပြင်းရယ်
မခိုင်လုံတဲ့ငြင်းဆိုမှုအတွက်သက်သေပြစရာမလိုဘူးဟုတ်……..

ချောင်ပိတ်အသက်ခံရတဲ့အမှန်တရားတွေ
ကိုယ်ထင်ပြလာတဲ့တနေ့…………………….

ငါလည်းညတွေကိုမမုန်းတော့လောက်ပါဘူး…………………….။

အမရာ

စ................................ဆုံး

2008-10-03T15:52:00.003+04:00

ကမ္ဘာရယ်.............
ကမ္ဘာရယ်....ဖေရယ်....မေရယ်..............
ကမ္ဘာရယ်.....ဖေရယ်.....မေရယ်.....ငါရယ်.......
ကမ္ဘာရယ်....ဖေရယ်....မေရယ်.....ငါရယ်....နင်ရယ်........

ကမ္ဘာရယ်..........
ကမ္ဘာရယ်......မေရယ်.....ငါရယ်....နင်ရယ်........
ကမ္ဘာရယ်......ငါရယ်.....နင်ရယ်....................
.............................................................
.............................................................

ကမ္ဘာရယ်.............
ကမ္ဘာရယ်...........ငါရယ်.............
..........................................
..........................................
.........................................

ကမ္ဘာရယ်...............
ကမ္ဘာရယ်......ကမ္ဘာရယ်...........ကမ္ဘာရယ်.........
ကမ္ဘာရယ်။

အမရာ

အနာဂတ်မဲ့

2008-09-06T15:18:00.006+04:00

ငါ့ကမ္ဘာမှာ
လမသာခဲ့တာလဲအတော်ကြာလှပေါ့
စိတ်မပျက်ပါနဲ့လူသားရယ်
အမြဲတမ်းတော့ရယ်လဲမဟုတ်တန်ရာ
အချိန်ကာလာတခုရောက်ရင်တော့
ငြင်းဆန်ခွင့်တောင်ရုပ်သိမ်းခံရလိမ့်မယ်။

တိမ်တချို့ခရီးသွားနေတယ်
လမ်းကြုံလိုက်ပါရစေ
နတ်ပြည်လားငရဲကိုလား
ရွေးချယ်ခွင့်ရှိရင်တောင်
တဇောက်ကန်းပဲလုပ်ချင်တယ်။

ဒီတနေ့တော့
ဖမ်းမရတဲ့ယောက်ယက်ခတ်စိတ်ကူးနဲ့
ဖြစ်သမျှအကြောင်းဘဲပေါ့။

အမရာ

ဘာမှမဖြစ်သလိုဘဲ

2008-08-26T17:16:00.001+04:00

သက်ပြင်းတချက်ရှိုက်ရုံနဲ့
အငြိုးတွေကျေမယ်ဆို
အစုတ်အပျက်ဒီမာနကိုလဲ
ထုထောင်းရိုက်နှက်မှပေါ့

လူတိုင်းအတွက်
မဟုတ်ရင်တောင်
သူ့အတွက်တော့
ချွင်းချက်ပေါ့
ငါ့ရဲ့ကျင့်စဉ်မှာ
နောင်တတရားမပါကြေး

ကမ္ဘာနဲ့ချီပြီး
သူရဲကောင်းမဖြစ်ရင်တောင်
သူ့အတွက်တော့ထာဝရပေါ့
လောကဓံကတိုက်ခိုက်လာရင်
တဆိတ်လောက်

သူပြောသလိုဘဲ
ဘာမှမဖြစ်သလိုနေပေးပါ
တကယ့်ကိုဘာမှမဖြစ်သလိုပါဘဲ။

အမရာ

သာသာယာယာရှိပါသည်

2008-07-31T11:44:00.001+04:00

နေမင်းရဲ့
ထင်တိုင်းကြဲလက်စွမ်းပြမှုအောက်မှာ
ဒို့နှစ်ယောက်ကတော့…………………..

အထီးကျန်နေတဲ့ခုံတန်းတွေကို
အားတုံ့အားနာနဲ့ပဲ
မြက်ခင်းရဲ့နွေးထွေးမှုအောက်ခိုလှုံခဲ့တော့
ဒို့နှစ်ယောက်ကတော့……………………..

မျှော်လင့်ချက်ပေးလာတဲ့တက္ကစီတွေကိုချန်ရစ်ပြီး
တုံနှေးနှေးဘတ်စ်ကားကိုပဲတွယ်ကပ်ရလည်း
ဒို့နှစ်ယောက်ကတော့………………….

ပယောဂဖြည်ကြိုးတွေများခဲ့သလို
ဒို့နှစ်ယောက်ချည်ကြိုးတွေကတင်းတယ်
ဒုက္ခတွေတနင့်တပိုးထမ်းထားခဲ့လည်း
ဒို့နှစ်ယောက်ကတော့……………………….
တကယ့်ကို
သာ…သာ…ယာ…ပါ…ပဲ…………………။။။

အမရာ

အလွဲ

2008-06-30T23:26:00.002+04:00

ငါထင်တယ်
နဲနဲပဲလွဲခဲ့တယ်လို့
အမှန်တော့............
လွဲနေခဲ့တာတဘဝစာပါလားးးးးးးးးးး။
ဒီလိုနဲ့..........
ဆက်လျှောက်လာခဲ့တာ
နေတောင်ဝင်လုပြီ
ခရီးကမဆုံးသေးးးးးးးးးးးးးးးးး။
ဘာပဲဖြစ်ဖြစ်ပါ...........
ချည်ကြိုးတွေကိုတော့
မဖြည်ချင်တဲ့အပြင်
ထပ်လို့သာချည်ခဲ့.........
မဖြစ်နိုင်တော့ပါဘူးလို့
ဘယ်တော့မှမဆိုစမ်းနဲ့.......
ဒီရှိုက်သံတွေကို
သံစဉ်ပြောင်းခိုင်းလိုက်......
ခေတ်စားနေတဲ့
HIP HOP တော့မင်းမကြိုက်
(လွဲပြန်ပြီ)
ဒီတော့...........
ROCKER ..ပဲလုပ်ကြပါစို့......။

အမရာ

အိပ်မက်ကဗျာ

2008-05-25T14:52:00.002+04:00

ကောင်လေးရေ!
အိပ်မက်တွေတကယ်ဖြစ်လာဖို့ထက်
အိပ်မက်မက်ဖို့အရင်ပျိုးပါဦး............

ကောင်လေးရေ!
မသေချာခြင်းတွေထဲမှာ
သေချာခြင်းတစ်ချို့ရောပါတတ်တယ်
မင်းမြင်တတ်ရင်တွေ့မှာပါ
(မြင်...အောင်...ကြည့်...ပါ)

ကောင်လေးရေ!
ဒီနေ့စိတ်ဓါတ်ကျပြီးရင်
မနက်ဖြန်အတွက်ကောင်းပြီ
နေ့သစ်တွေရှိလေရဲ့.............

ကောင်လေးရေ!
မြဲနေတဲ့လက်တွေအတွက်
ကြမ္မာရိုင်းကလက်ရွံ့မှာပါ...........
ကဲ........
ဖန်ဆင်းကြစို့.......................။။။

အမရာ

ခါးသက်မှု

2008-04-29T00:14:00.001+04:00

အတွေးခါးခါးတွေကို
ရေမရောဘဲသောက်ပါ
(တကယ့်အရာသာစစ်ကို
လိုချင်တယ်ဆို)
ပြီးရင်…………….
ဘဝကိုပါခါးပစ်လိုက်ဖို့
ဝင်မလေးပါနဲ့………….
ကြာရင်ခါးသက်မှုတိုင်းကို
နေသာထိုင်သာဖြစ်လာမယ်။

အမရာ

ငါ့ကို...........

2008-04-22T23:45:00.004+04:00

ငါပျော်နေတာ
မနာလိုမရှိစမ်းနဲ့......
ယှဉ်မယ်လို့စဉ်းစားရင်
ငါ့ရာဇဝင်ကို
အရင်လှန်ကြည့်......
အဲဒီနေ့မှာ
ငါသွေးကြောင်ခဲ့ရင်
ဒီနေ့မှာ
ငါဆိုတာမရှိဘူး......
ဘယ်လိုဘဲဖြစ်ဖြစ်
ယှဉ်မှာဆိုရင်
မျှော်လင့်ချက်နည်းနည်းပေးမယ်...........
(ဆန္ဒရှိရင်ပေါ့)
တကယ်သေချာရင်
ဆန္ဒတွေကိုသက်ရောက်ခွင့်ပြုမယ်..........။

အမရာ

ချစ်ခြင်း

2008-04-06T18:20:00.000+04:00

ချစ်သူ.........

ဖြူစင်စွာနဲ့ချစ်ခဲ့ခြင်းပါ.....

ရယူလိုခြင်းအလျဉ်းကင်းမဲ့.....

ဘယ်ဘဝရောက်ရောက်ပေးဆပ်ခြင်ခဲ့....

ဘုရားရှင်ထံနေ့စဉ်ဆုပန်......

တခုတည်းသောတောင်းဆု......

သက်ဆုံးတိုင်ချစ်ပါရစေ..........။

အမရာ

အကြိုက်

2008-04-06T17:58:00.000+04:00

ရပ်စောင့်ရတာထက်
ပြေးတွေ့ရတာ
ကြိုက်တယ်.........

မျှော်တလင့်လင့်နေရတာထက်
YES or NO ကို
ကြိုက်တယ်............

ကွေ့ရှောင်နေရမှာထက်
ရင်ဆိုင်ရမှာကို
ကြိုက်တယ်............

မနက်ဖြန်ဆိုတာထက်
ဒီနေ့ကို
ပိုကြိုက်တယ်...........။

အမရာ

ခရီးသည်

2008-04-03T12:21:00.000+04:00

လွင့်ခဲ့သမျှ ဘဝခရီး
ခလုတ်ကန်သင်းအပြည့်
လက်ကမ်းသူမဲ့.........
ကိုယ့်လမ်းကိုယ်ဖောက်
နောက်မဆုတ်ကြေးတဲ့

အရောင်တောက်တောက်
အနာဂါတ်လားးးးးးးးးးးးး
အရောင်အဆင်းမွဲမွဲ
အနာဂါတ်လားးးးးးးးးးးးး
မတွေးချင်မဆွေးချင်
စိတ်ကူးနဲ့မရူးချင်ခဲ့......

အရာအားလုံးအတွက်
ပေးဆပ်ခြင်းအတိ
အသက်တောင်လှုခဲ့ပေါ့
ဒီလိုနဲ့ငါ..........
လွင့်နေဆဲလေ။

အမရာ

ညီမျှခြင်း

2008-04-03T01:39:00.000+04:00

အယူအဆတွေ
လွဲကောင်းလွဲမယ်....
ခံယူချက်တွေ
ကွဲချင်ကွဲမယ်....
ရေးခဲ့တဲ့စာမျက်နှာချင်း
တူချင်မှတူမယ်......

ဘာဘဲဖြစ်ဖြစ်
ရင်ခုန်သံချင်းတော့
ကာရံညီကြမယ်.......။

အမရာ

အမရာရဲ့နေ့စွဲများ

2008-04-02T15:21:00.001+04:00

နားလည်မှု

2008-04-01T16:41:00.000+04:00

ချစ်သူက.......
မင်းကိုယ့်ကိုနားမလည်သေးဘူးတဲ့
ကိုယ်က........
“မောင်” ကိုယ့်ကိုနားမလည်ပေးဘူးနော်
သေချာတာက.....
“မောင်”ရော “ကိုယ်”ရော
နားမလည်ကြသေးဘူး..............။

အမရာ

အသဲကွဲနေတယ်

2008-03-30T00:41:00.000+04:00

အသဲကွဲပြန်ပြီ
မဆန်းဘူးလေချစ်သူ
မတည့်တဲ့အလွဲအတွက်
ကွဲရဲရမယ်.......။

ငါ့စေတနာတွေပါ
အားလုံးအတွက်လေ
နင်သိတတ်မယ်ဆိုရင်
ငါငိုတာတန်တယ်....။

ငါဟာချစ်သူတိုင်းကို
ပျော်စေချင်သူပါ.......။

အမရာ

စိတ်ညစ်တယ်

2008-03-25T01:16:00.000+04:00

စိတ်ညစ်တယ်။
ခေါင်းစဉ်မရှိဘဲညစ်တယ်။
ထိုင်နေရင်းနဲ့ညစ်တယ်။
တွေးနေရင်းနဲ့ညစ်တယ်။
စိတ်ညစ်တယ်။
မျောနေရင်းနဲ့ညစ်တယ်။
အိပ်နေရင်းနဲ့ညစ်တယ်။
နိုးလာတော့လဲညစ်တယ်။
စိတ်ညစ်တယ်။
မကျေနပ်လို့ညစ်တယ်။
အနေခက်လို့ညစ်တယ်။
လွမ်းလွန်လွန်းလို့ညစ်တယ်။
စိတ်ညစ်တယ်းးးးးးးးးးးးးးးးးးးးးး ။

အမရာ

ငါနားလည်တယ်

2008-03-20T16:38:00.000+04:00

သူအဆင်မပြေဘူး….

သူပင်ပန်းတယ်ပြောတယ်…….
ငါနားလည်တယ်…………
ငါဆုတောင်းတယ် ဖြစ်နိုင်ရင်….
သူ့နေရာငါကိုယ်စားဝင်ချင်တယ်……

ငါနားလည်တယ်………….

ငါစောင့်နေတယ် သူလာမယ့်အချိန်ကို….

လွဲမှားမှူတွေရှိတယ် သူမလာသေးဘူး
ငါနားလည်တယ်……..
ငါပြောမိတယ် ငါလုပ်ချင်တာတွေ
ငါလုပ်ပစ်မယ် ငါမလုပ်ဘူး

ငါနားလည်တယ်………….
ဒါပေမယ့်သူယုံတယ် ငါအော်ပစ်တယ်
ငါနားလည်တယ်…………

ငါကိုနားလည်မှူမရှိဘူးလို့ ခဏခဏပြောတယ်
ဘာပဲဖြစ်ဖြစ် ငါနားလည်တယ်…………
နောက်ဆုံး………………..
ငါသေသွားခဲ့ရင်…………..
နင်နားလည်မယ်။

အမရာ